წარმოიდგინეთ დაკარგული, გადაგვარებული და დაავადებული ტვინის ნაწილები ლაბორატორიაში რომ აღადგინონ და ახალი სიცოცხლისთვის მისი გადანერგვაც მოახერხონ… კალიფორნიის სან დიეგოს უნივერსიტეტის მკვლევრებს სწორედ ამ რეალობასთან მივყავართ ახლოს.
ადამიანის კორტიკალური ორგანოიდები, რომელსაც „მინი-ტვინსაც“ უწოდებენ, თაგვს გადაუნერგეს. იგი არა მარტო გულსისხლძარღვთა სისტემასთან იყო დაკავშირებული, არამედ თვალებში ჩაშვებულ სინათლეზეც რეაგირებდა ზუსტად ისე, როგორც მიმდებარე ტვინის ქსოვილი.
კურსიდან რამდენიმე თვეში კი მკვლევრებმა ინოვაციური სისტემა გამოიყენეს, რათა ელექტრული აქტივობა იმ ორგანოიდში გაეზომათ, რომელიც ვიზუალური სტიმულების ინტეგრირებულ პასუხებზე მიუთითებდა. ეს პირველი შემთხვევაა, როცა მეცნიერებმა რეალურ დროში ადამიანის გადანერგილ ტვინის ორგანოიდში ფუნქციური კავშირების დადასტურება შეძლეს. ამას კი იმპლანტების გაუმჯობესებას უნდა ვუმადლოდეთ.
„ვფიქრობთ, რომ ღეროვანი უჯრედებისა და ნეიროჩამწერი ტექნოლოგიების კომბინაციას დაავადებების მოდელირებისთვის გამოვიყენებთ ფიზიოლოგიურ პირობებში ნეირონების წრედების დონემდე, მკურნალობის მეთოდის გამოსაცდელად პაციენტისთვის სპეციფიკური გენეტიკური წარმომავლობისა და ორგანოიდების პოტენციალის შეფასებისთვის, რათა აღადგინონ სპეციფიკური დანაკარგი, გადაგვარებული და დაზიანებული ტვინის რეგიონები“, — აცხადებენ მკვლევრები.
აღსანიშნავია ისიც, რომ მეცნიერთა ჯგუფმა, ნეიროინჟინერ დუიგუ კუზუმის ხელმძღვანელობით, ახალი ჩამწერი სისტემა შეიმუშავა, რათა ტვინის ტალღების აქტივობა მიკრო და მაკრო დონეზე ერდროულად გაეზომათ. გადანერგვიდან 1 თვის შემდეგ კი მკვლევრებმა აღმოაჩინეს, რომ ადამიანის ორგანოიდმა ფუნქციური სინაფსური კავშირი ჩამოაყალიბა თაგვის ვიზუალური ქერქის ნაწილთან, ხოლო, ორი თვის შემდეგ ტვინთან კიდევ უფრო გაერთიანდა.
მეტიც, მიკროსკოპის ქვეშ ფლუორესცენტური ტექნიკის გამოყენებით მკვლევრებმა აჩვენეს, რომ სინათლის იმპულსებს თაგვის ტვინში გადანერგილი ორგანოიდების სტიმულირება შეუძლია…
