ჰელოუინისთვის MINI-მ ყველაზე დიდ შიშთან დაპირისპირება გადაწყვიტა… საქმეში იუმორიც ჩართო და Waymo-ს კოსტიუმი მოირგო. იდეა შემდეგია: თუ მსოფლიო მძღოლის გარეშე მანქანის მართვის ტექნოლოგიისკენ იხრება, მინისთვის ადამიანისა და მანქანის კავშირია მთავარი, ემოციები, რომლებიც ამ დროს ჩვენში იბადება. და თუ მოჩვენებაზე ვსაუბრობთ, ეს მათთვის მანქანაა, მძღოლის გარეშე.
Goodby Silverstein & Partners-ის (GS&P) მიერ შექმნილი კამპანია ლოს-ანჯელესში, სან-ფრანცისკოსა და ატლანტაში ვრცელდება, რადგან სწორედ ეს ქალაქებია Waymo-ს მანქანების სიმრავლით ცნობილი. ციფრული ბილბორდები და თამამი პოსტერებიც სწორედ ზემოთ აღნიშნული გზავნილის გავრცელებას ცდილობს ოღონდ ჰელოუინის სტილში, მუქი ფერებითა და ცოტა საშიში გრაფიკით.
სწორედ ამ მიზნით ჰელოუინის ღამეს ლოს-ანჯელესში GS&P-მ “მოჩვენება მანქანის” გაგზავნაც გადაწყვიტა, რომელიც რეალურად Waymo-ს კოსტიუმით შენიღბული MINI იქნება. ასე კი კვლავ მთავარს შეგვახსენებს, რომ არაფერი სჯობს მანქანის მართვით მიღებულ სიამოვნებას და თუ მოჩვენებები გსურთ, ეს სურვილი მხოლოდ ჰელოუინისთვის შეგიძლიათ, აისრულოთ.
