მასაჩუსეტსის ტექნოლოგიურმა ინსტიტუტმა (MIT), საქართველოში, გლობალური სტარტაპ ლაბის პროგრამა განახორციელა. სწავლება ბიზნესისა და ტექნოლოგიების უნივერსიტეტის (BTU) ბაზაზე, 4 კვირის განმავლობაში მიმდინარეობდა.
პროგრამის ფარგლებში, MIT-ის სპეციალისტებმა, შერჩეული კანდიდატები მეწარმეობასა და სტარტაპის ტექნიკური მხარდაჭერის მიმართულებით გადაამზადეს, შემდეგ კი დემო დღისთვის მოამზადეს, რომელშიც 7 გუნდი მონაწილეობდა.
MIT-ის გლობალური სტარტაპ ლაბის პროექტის ფარგლებში, მონაწილეებს ტრენინგები ჩაუტარეს კომპანიებმა: GITA, Silknet, Pulsar AI, Deloitte, Influence.ge, Spark, TBC Bank. პროგრამა სრულად დააფინანსა ბიზნესისა და ტექნოლოგიების უნივერსიტეტმა. MIT-ის გლობალური სტარტაპ ლაბის მხარდამჭერი იყო GITA. ოფიციალური პარტნიორები კი – თიბისი სტარტაპერი, [გამარჯვებული გუნდს გადასცემს მარკეტინგული კამპანიისთვის საჭირო თანხა] და „სილქნეტი“ [გამარჯვებულ გუნდს გადასცემს სტარტაპის განვითარებისთვის საჭირო თანხას].
