4
Jul
2013

“ნამდვილი სტრატეგია ცოტა ცინიკური, მიზანმიმართული და მოქნილი უნდა იყოს”

4 Jul 2013



bbdo_moscowBBDO-ს სტრატეგიული დაგეგმარების დირექტორი ნატალია ჩუიჩი თბილისში უკვე მეორედ, 8, 9 და 10 ივნისს სემინარებსა და ვორქშოფებს ჩაატარებს. ამბობს, რომ წელს აუდიტორია სრულიად ახალ თემებს მოისმენს და განიხილავს. კონკრეტულად რა საკითხები იქნება, მსმენელებისათვის სიურპრიზად ტოვებს.

ნატალია ჩუიჩი:   მთავარი, რასაც აუდიტორია ამ სემინარებიდან შეიტყობს  ისაა, რომ სტრატეგიული დაგეგმარება უცვლელ წესებსა და დოგმებს არ ეფუძნება. ეს გაცილებით უფრო მოქნილი სტრუქტურა, ხელსაყრელი მექანიზმი და შთაგონების მომტანი ისტორიებია, რომელიც, კლიენტიდან დაწყებული  შემოქმედებითი გუნდით დამთავრებული, ყველას ცხოვრებას ამარტივებს.

“მარკეტერი ” :  სხვადასხვა დროს  McCain Erickson, Grey,  Young&Rubicam, Lowe Adventa -ში მუშაობდით, ახლა BBDO -ში ხართ. როგორ ფიქრობთ, წარმატების მთავარი ფორმულა რა არის, სტრატეგიული დაგეგმარების სფეროში?

ნატალია ჩუიჩი:  ვფიქრობ, ნამდვილი სტრატეგია  ცოტა ცინიკური, მიზანმიმართული და მოქნილი უნდა იყოს. უნდა აცნობიერებდეს, რომ ხალხი , ვისთვისაც კამპანია კეთდება, შესაძლოა  მისგან მკვეთრად განსხვავდებოდეს, ამიტომ  სწორად უნდა დაგეგმოს ყველაფერი მოცემული სიტუაციისა და დავალების მიხედვით, მოცემული აუდიტორიისთვის, მაშინაც კი, თუ თავად სხვა რამის გაკეთებას ამჯობინებს. ბრენდების უმეტესობისთვის ზრდის მთავარი წყარო ბაზარია, ამიტომ  რეკლამა მარტივი და ყველასათვის მიმზიდველი უნდა იყოს.

მარკეტერი ”:  ამ სფეროში როგორ დაიწყეთ საქმიანობა?

ნატალია ჩუიჩი:  რეკლამის სფეროთი ჯერ კიდევ სტუნდენტობისას მოვიხიბლე.  ვთვლიდი, რომ ეს სასარგებლოსა და კრეატიულობის არაჩვეულებრივი შერწყმა იყო. პირველად სარეკლამო სააგენტოში მუშაობის შანსი რუსეთსა და გერმანიას შორის გაცვლით პროგრამაში მონაწილეობისას მომეცა. თითქმის შემთხვევით, უნივერსიტეტის კლუბში Grey Duesseldorf  –ის პრეზენტაციაზე მოვხდი და ხელთ მათი ბროშურა და საკონტაქტო ინფორმაცია ჩამივარდა. ჩემი CV გავაგზავნე და Thomas Heidenreich -თან გასაუბრებაზე დამიბარეს, რომელიც, იმ დროს, Grey Central და  Eastern Europe -ის დირექტორი იყო. მე  “კოპირაიტერობა” მინდოდა, მაგრამ  ვაკანსია მოკსოვის ოფისში მხოლოდ კლიენტების მომსახურების განყოფილებაში ჰქონდათ. ასე მოხვდი სარეკლამო ბიზნესში  1995 წელს. ამ პერიოდში სტრატეგიული დაგეგმარება  რუსეთში  თითქმის  არც არსებობდა. რეზიუმეებსა და ანალიზს, ძირითადად  ბუღალტრები წერდნენ.  ასე რომ, სტრატეგული დაგეგმარების კურსის ცალკე დისციპლინის ჩამოყალიბების შემდეგ ეს საქმე ავირჩიე.

“ მარკეტერი ”:  თქვენი კარიერის დასაწყისში რა იყო ამ სფეროს მთავარი გამოწვევა და ახლა რა არის?

ნატალია ჩუიჩი:  თუ სტრატეგიულ დაგეგმარებაზე, როგორც დისციპლინაზე ვისაუბრებთ  გამოწვევები ზუსტად ერთნარია. ჯერ კიდევ უნდა დაამტკიცოს ამ სფერომ თავისი ფასი. ყველაზე რთულია არასარეკლამო სფეროში მოღვაწე ხალხს, ავუხსნა ზუსტად რა არის ჩემი სამუშაო. -“თქვენ სცენარებს წერთ?” – არა, “თქვენ აღრიცხავთ ღირებულებებს?” – არა, “მაშ რა შედის თქვენს საქმიანობაში?”- აი ეს არის ნამდვილი გამოწვევა.

“ მარკეტერი ”:  თბილისში სემინარებზე სტრატეგიის დაგეგმარების სფეროში ახალ ტენდენციებსა და მიღწევებზე ისაუბრებთ. რას გულისხმობს ეს უახლესი მიდგომები და რა არის მთავარი ამ სფეროში წარმატებისათვის?

ნატალია ჩუიჩი:   ახალი მიღწეევბია ის, რაც იწვევს საერთო დოგმებს, უნივერსალურ ნდობას. კოლაბორაცია ექსკლუზიურობის პირისპირ. ის, რომ ბრენდის ტოტალური კონტროლის ნაცვლად, ყველა იმ ადამიანს იწვევ, ვისაც რაიმე შეუძლია შესძინოს ბრენდს. მთავარი წარმატება ამ ყველაფრისთვის – მამაცობა და გულადობაა. ბრენდი უნდა წავიდეს დინების საწინაღმდეგოდ. შესაძალოა, ბევრი კრიტიკაც გამოწვიოს. ბრენდი ასე იქმნება და ხახლხი ვინც ამ საქმეზე მუშაობს, მართლაც მამაცი და სანდო უნდა იყოს.

“ მარკეტერი ”: თქვენს ყველაზე წარმატებულ და, პირიქით, წარუმატებელ “ქეისებზე” რომ გვიამბოთ. დღეს რას მიიჩნევთ მაშინდელი წარმატებისა თუ წარუმატებლობის მიზეზად?

ნატალია ჩუიჩი:  მიღებული ჯილდოების რაოდენობით თუ ვიმსჯელებთ, ყველაზე წარმატებული შარშანდელი კამპანია “მანქანა პიანინოს პირისპირ” ოყო, რომელიც Intouc -ის დაზღვევისთვის გაკეთდა. ვთვლი, რომ მაშინ წარმატება სწორმა კომუნიკაციამ განაპირობა – მძღოლებისთვის კარგად იყო ახნილი, რომ არსებობს მათგან დამოუკიდებელი გარემო ფაქტორები, რამაც, შესაძლოა  მათი მანქანა დააზიანოს. და რა თქმა უნდა, წარმატება კამპანიის ინოვაციურმა შესრულებამაც განაპირობა. საერთო ეფექტურობის მიხედვით თუ ვიმსჯელებთ, Moscow Credit Bank -თვის გაკეთებულ ძველ კამპანიას გავიხსენებ. ეს 2003 წელს გავაკეთეთ  და მგონი, პირველი კამპანია იყო, სადაც “შეხების წერტილის” მიდგომა გამოვიყენეთ. კამპანია ბანკისთვის ძალიან ეფექტური აღმოჩნდა. მანამადე 50-ე ადგილზეც არ იყო და შედეგად   # 1 გახდა მანქანებზე სესხის გაცემის მაჩვენებლით. დიდი წარმატება მოუტანა კრეატიულ ჯგუფსაც – ვინც ამ კამპანიაზე მუშაობდა , თავიანთ მიმართულებებში თითო პრიზი მაინც მიიღეს. წარმატების მთავარი ფორმულა ამ შემთხვევაშიც ძალიან მარტივი შეთავაზება იყო: “გჭირდებათ ფული- მიაკითხეთ სესხისთვის Moscow Credit Bank -ს”. რაც შეეხება წარუმატებელ “ქიესებს” ასეთი იყო  ყველა მარცხი, სადაც სწორად არ იქნა გაგებული კლიენტის მოლოდინი ან პრობლემა, რომელიც კამპანიის მეშვეობით უნდა მოგვარებულიყო.

“ მარკეტერი ”: ქართულ სარეკლამო ბაზარს თუ იცნობთ?

ნატალია ჩუიჩი:   სამწუხაროდ, ვერ ვიტყვი, რომ ვერკვევი ქართულ სარეკლამო ბაზარზე არსებულ სიტუაციაში. საამისოდ  საჭიროა ცოტა ხნით მაინც იმუშაო იქ.  შარშან “ჯიპას” ვსტუმრობდი და ბევრ ჭკვიან, გონიერ და მოტივირებულ ადამიანს შევხდი, რომლებიც წარმატებით აკეთებდნენ თავიანთ საქმეს. იცოდნენ ყველა უახლესი და წარმატებული კამპანია. მაშინ გავიგე, არსებობს გარკვეული შეზღუდვები სარეკლამო ბაზარზე და სხვადასხვა ინდუსტრიებში არის მონოპოლია ამ სფეროში. ასე, რომ მთავარი ამ სფეროში  ზოგადად, ეკონომიკის განვითარება და კონკურენციაა.

განხილვა