აპლიკაციის ანალიტიკა მოიცავს მობილური აპიდან შეგროვებული მონაცემების დაგროვებასა და ანალიზს. ის აერთიანებს მონაცემებს პლატფორმებიდან, რომლებსაც მომხმარებლები თქვენს აპლიკაციამდე მიჰყავს. რატომ გჭირდებათ მობილური ანალიტიკა? მაღალკონკურენტულ ბაზარზე, სადაც 2.2 მილიონზე მეტი მობილური აპლიკაციაა ხელმისაწვდომი Apple App Store-ზე და 3.5 მილიონი – Google Play Store-ზე, აპლიკაციების ანალიტიკის მეშვეობით მიღებული ინფორმაცია წარმატებისთვის მნიშვნელოვანი კომპონენტია.
აპლიკაციის ჩაშვების შემდეგ, მნიშვნელოვანია იცოდეთ, როგორ შეძლებთ თავად აპისა და მისი მარკეტინგული კამპანიების ოპტიმიზაციას. პერფორმანსის მონაცემების ანალიზი მომხმარებლის მოგზაურობის უკეთ გასაგებად და სწორი გადაწყვეტილებების მისაღებად გამოიყენება. ეს გადაწყვეტილებები მიზნად ისახავს ჩართულობის, შემცირების, კონვერტაციებისა და ჩამოტვირთვების ოპტიმიზაციას.
აპლიკაციის ანალიტიკის გარეშე, დეველოპერებს არ შეუძლიათ აპთან და/ან კამპანიასთან დაკავშირებული პოტენციური პრობლემები და ვერც შესაბამისი გადაწყვეტილებების იდენტიფიცირებას შეძლებენ. ეს კი მარკეტინგული დროისა და ბიუჯეტის არაეფექტურ გამოყენებას იწვევს.
მობილური აპლიკაციების ანალიტიკის მეტრიკა
არსებობს სხვადასხვა სახის მეტრიკა, რომელიც შეგიძლიათ გამოიყენოთ თქვენი პერფორმანსის გასაუმჯობესებლად. როდესაც განსაზღვრავთ, რომელი მეტრიკაა სასარგებლო თქვენი აპლიკაციის ანალიტიკისთვის, პირველ რიგში უნდა აირჩიოთ ძირითადი შესრულების ინდიკატორები (KPI). შემდეგ, შეგიძლიათ განსაზღვროთ თქვენი პირველადი მეტრიკა ამ KPI-ებიდან. ასევე, დაგჭირდებათ იმის გათვალისწინება, თუ როგორ შეიძლება სხვადასხვა მეტრიკის ერთად გამოყენება ყველაზე სრულყოფილი სურათის შესაქმნელად. აქ მოცემულია მეტრიკის რამდენიმე მაგალითი, რომლებიც საუკეთესოდ შეესაბამება KPI-ებს.
4 სასარგებლო მეტრიკა მომხმარებლის მოზიდვის ანალიზისთვის
App Attribution: აჩვენებს, თუ როგორ შეიძინეთ მომხმარებლები, იქნება ეს მარკეტინგული ხარჯებით თუ ორგანულად. ის გაცნობებთ კამპანიის ეფექტურობას, ხოლო თვალყურის მიდევნებას შეუძლია გაჩვენოთ ამ მომხმარებლების ღირებულება. ესაა საჭირო ინფორმაცია იმის გასაგებად, თუ რომელი კამპანიები იყო ყველაზე წარმატებული და რომელში არ ღირს ინვესტირება.
Cost Per Acquisition (CPA): ღირებულების მოდელი გამცნობთ, რამდენი დაიხარჯა თითოეული მომხმარებლის შესაძენად. ის შეიძლება გამოითვალოს კამპანიის მთლიანი ღირებულების დაყოფით, შეძენილი მომხმარებელის მიხედვით. ეს არის მნიშვნელოვანი მეტრიკა, რომელიც საშუალებას გაძლევთ გამოთვალოთ ROI და დაადგინოთ ყველაზე ეფექტური გზა ახალი მომხმარებლების შესაძენად.
Average Revenue Per User (ARPU): გიჩვენებთ საშუალო შემოსავალს, რომელიც თითოეული შეძენილი მომხმარებლის შედეგად მიიღეთ. ეს არის გონივრული გზა იმის შესაფასებლად, მიდიხართ თუ არა თქვენი შემოსავლის მიზნების მიღწევაში. ეს მეტრიკა ასევე მნიშვნელოვანი კომპონენტია LTV (სასიცოცხლო ღირებულების) გამოსათვლელად.
Lifetime Value (LTV): ეს მაჩვენებელი გვეუბნება, თუ რამდენის დახარჯვაა მოსალოდნელი მომხმარებლისგან. მომხმარებლების LTV გაცნობებთ, რამდენ ხანს უნდა იყვნენ მომხმარებლები აქტიური, სანამ მაქსიმალურ შედეგს მოიტანენ. LTV ასევე გეტყვით, თუ რა შედეგზე გავა აპლიკაცია უახლოეს თვეებში. მომხმარებელთა სხვადასხვა ჯგუფის LTV ასევე შეიძლება შევადაროთ და გავიგოთ, რომელი მომხმარებლები არიან ხარჯეფექტური.
მეტრიკები მომხმარებლის ჩართულობის ანალიზისთვის
აპლიკაციის შიდა მოქმედებები: თრექინგი აკვირდება მომხმარებლის ქცევას, რომელიც დაკავშირებულია აპს-შიდა აქტივობასთან. თქვენ შეგიძლიათ თვალყური ადევნოთ ისეთ მოვლენებს, როგორიცაა შესყიდვები, ვიზიტები ვებგვერდზე, როდესაც მომხმარებელმა დაამატა ნივთი თავის კალათაში და სხვა.
ინსტალაციები: ეს ის დროა, როდესაც მომხმარებელმა აპლიკაცია ჩამოტვირთა და გახსნა. იმის ცოდნა, თუ რამდენმა მომხმარებელმა დააინსტალირა აპი, აუცილებელია, რათა გაიგოთ, რომელი კამპანია მუშაობს საუკეთესოდ.
სესიები: როდესაც მომხმარებელი აპლიკაციის გამოყენებას იწყებს, უკვე უნდა ადევნოთ თვალი, რამდენად ხშირად ხსნიან მას. უნდა აკვირდებოდეთ, როგორ მოძრაობს ადამიანი თქვენი მომხმარებლის ძაბრში. მოწყობილობის, მდებარეობისა და დროის მიხედვით სესიების დათვალიერება გაჩვენებთ, როგორ, როდის და საიდან წვდებიან თქვენი მომხმარებლები თქვენს აპს.
შენარჩუნება: ეს არის საზომი, თუ რამდენი მომხმარებელი ბრუნდება თქვენს აპლიკაციაში. თქვენ შეგიძლიათ გამოიყენოთ შენარჩუნების მანიშნებლები, რათა დააკვირდეთ, როდის გადისმომხმარებლები და რომელ მომენტში ერთვებიან ხელახლა. ამგვარად, შეგიძლიათ აღმოაჩინოთ ის შემთხვევებიც, როდესაც თქვენი აპლიკაცია არ მუშაობს გამართულად.
Churn მეტრიკა გეტყვით, რამდენმა მომხმარებელმა დატოვა თქვენი აპლიკაცია. ეს ის შემთხვევაა, როცა მომხმარებელმა ან წაშალა აპი ან აღარ აქტიურობს. ეს არის უმნიშვნელოვანესი მეტრიკა, რომელიც საშუალებას გაძლევთ განსაზღვროთ LTV და დაადგინოთ მიზეზები, რის გამოც მომხმარებელი კარგავს ინტერესს თქვენი აპის მიმართ.
წყარო: adjust
