სიცოცხლის დაზღვევას ადამიანების უმეტესობა მხოლოდ რამდენჯერმე მიმართავს ცხოვრებაში. ეს პროცესი კიდევ უფრო რთულდება ინდუსტრიის მოძველებული ბუნებით, რომელიც, როგორც წესი, ძველ სისტემებსა და პროცესებს ეყრდნობა. ტექნიკური სტარტაპი Modern Life კი სიცოცხლის დაზღვევისადმი ამ ტრადიციული მიდგომის შეცლის იმედით დაარსდა — მან ამისათვის ბრენდინგის სტუდია XXIX-ს მიმართა.
სტუდიის მთავარ გამოწვევას ისეთი იერსახის შექმნა წარმოადგენდა, რომელიც გასაოცრად ფართო დემოგრაფიულ ფენას მოეწონებოდა, რადგან პროექტის აუდიტორია ცოტა კომპლექსურია. საკონსულტაციო მხრივ, ეს არის მრავალწლიანი გამოცდილების მქონე ინდუსტრიის ვეტერანების ნაზავი, რომლებიც პირად ურთიერთობებს არიან მიჩვეულნი. ასევე, ის მოიცავს ახალგაზრდებს, რომლებიც ტექნიკურ სტარტაპთან მუშაობით არიან დაინტერესებულნი.
„საბოლოო მომხმარებლის მხრიდან გვინდოდა, ახალგაზრდებთან მივსულიყავით. ანუ, მათთან, ვინც მიჩვეულია ამ ტიპის სერვისებზე რეგისტრაციას და მსგავსი აპლიკაციების გამოყენებას. უბრალოდ, მსგავსი პროდუქტების ტიპური აუდიტორია ნამდვილად უფროსი ადამიანებისგან შედგება“, — აცხადებენ Modern Life-ში.
შრიფტის სისტემა, რომელიც ბრენდის მარყუჟოვან სიტყვიერ ნიშანზეა დაფუძნებული, დახვეწილი გზაა განსხვავებული აუდიტორიისთვის და სხვადასხვა ადგილისთვის, სადაც ბრენდი ჩნდება — ციფრული პროდუქტის ინტერფეისებიდან იურიდიულ ფორმებამდე. „როდესაც მონოგრამა და ნიშნები შევქმენით, რომლებსაც მარყუჟისებრი მრუდი აქვს, ვიცოდით, რომ Noi სწორი არჩევანი იყოს. მას ალტერნატიული გლიფები აქვს, რაც საშუალებას გვაძლევს, გარკვეულ კონტექსტში ექსპრესიულობა გავზარდოთ. ავთენტურობის განცდის ასამაღლებლად და ახალი იერის მისანიჭებლად კი Bradford ფონტი ავირჩიეთ“, — აღნიშნავენ სტუდიაში.
დიზაინის კიდევ ერთი მთავარი ელემენტი შთაგონებულია ისტორიული დოკუმენტებით, რომლებიც სადაზღვევო პოლისებს ეხება. ეს ნამდვილად საინტერესო გრაფიკული დიზაინის არტეფაქტებია. რთული და მშვენიერი ტიპოგრაფიის გარდა, ბევრ მათგანს კლასიკური ამოჭრილი მოტივი ამშვენებს — ძირითადად, კატასტროფების ტიპებს, რომელთაგანაც დაზღვეულნი არიან მომხმარებლები.
როგორც ბრენდის იდენტობის ნაწილი, ეს ისტორიული ჩარჩოს მოწყობილობები თანამედროვე ცხოვრების „პორტალები“ ხდება, კონცეფცია, რომელიც ფრანგმა ილუსტრატორმა ვინსენტ მაჰემ გააცოცხლა. „ვინსენტის ბევრი ნამუშევარი დიდ სივრცეებს ასახავს, თავისი რთული დეტალებით, როგორიცაა პეიზაჟები ზემოდან, მაგრამ ზუსტი და მომხიბვლელი მახასიათებლებით. ჩვენ ვიცოდით, რომ პორტალების შექმნისას ილუსტრაციების ჩამოჭრა გვინდოდა და ვინსენტის მიერ მასშტაბის გამოყენება შესანიშნავი იყო ამისთვის“.
