ჩიკაგო, 1992 წელი. პატარა დუეინ უეიდი, ფავორიტი საკალათბურთო კლუბის თამაშს, ძველ ტელევიზორში, ბურთით ხელში უყურებს, დედ–მამის ყვირილის ჩახშობას კი ბურთის ხმით ცდილობს. ქუჩაში გამოსულსაც მხოლოდ ბურთის მიწაზე დაცემის ხმა ესმის და ამ დროს იმ შეძახილებს წარმოიდგენს, რითიც მას მომავალში, როგორც პროფესიონალ კალათბურთელს, ისე გაამხნევებენ. დუეინის იმედები გამართლდა და ის ახლა ერთ–ერთი საუკეთესო კალათბურთელია, რომელიც Chicago Bulls-ის შემადგენლობაში თამაშობს. ვარსკვლავის მოკლე ბიოგრაფიული ვიდეორგოლი სპორტული ენერგეტიკული სასმელების მწარმოებელ ბრენდ GATORADE–ს ეკუთვნის.
