მონაცემთა გაერთიანებები საუკეთესო რაღაცებს გვთავაზობენ: მომხმარებლებს აქვთ უფლება, თავიანთი მონაცემების ბედი აკონტროლონ, რეკლამის განმთავსებლები კი პოტენციური მომხმარებლების შესახებ ინფორმაციაზე წვდომას კონფიდენციალურობის დაცვით იღებენ.
ციფრული რეკლამის განმთავსებლებისთვისაც საშიში დროა, ისინი ცდილობენ გლობალურ ინფლაციას, პანდემიასა და ომებს ევროპაში გვერდი აუარონ, თანაც, ინდუსტრიაში მნიშვნელოვანი ცვლილებები მიდის… საბოლოოდ კი ციფრული კონფიდენციალურობისადმი საზოგადოების დამოკიდებულების უზარმაზარმა ცვლილებებმა სათვალთვალო მონაცემთა ეკონომიკის დაშლა გამოიწვია, რომელიც ციფრულ ეპოქაში დაახლოებით 20 წლის მანძილზე დომინირებდა.
ევროკავშირის მონაცემთა დაცვის გენერალურმა რეგულაციამ (GDPR) ე.წ ქუქის ბანერების აღმასვლა შენიშნა. აქვე, მონაცემთა სკანდალებიც წარმოიშვა. გასულ წელს, Apple-მა iOS 14.5 განახლება წარადგინა, რითაც მობილური აპლიკაციების საშუალებით მომხმარებლებისთვის მესამე მხარის მონიტორინგი საჭირო აღარ იყო. Meta-ს თქმით, ეს ნაბიჯი მას მომავალში 10 მილიარდი დოლარის შემოსავალსაც მოუტანს.
შემდეგი მნიშვნელოვანი ნაბიჯი კი 2023 წელს cookie-pocalypse იქნება — Google Chrome მესამე მხარის „ქუქის“ დაბლოკავს. მსგავსად კი მათი ეპოქაც დასრულდება… თუმცა აქვე ჩნდება კითხვა: რა იქნება შემდეგ?
Google-ს ამის პასუხი ჯერ ბოლომდე არ მიუღია, ჯერჯერობით გაურკვეველია, მოუტანს თუ არა რეკლამები მის მომხმარებლებს „ქუქის სისტემაზე“ უკეთეს შემოსავალს… თუმცა, აშკარაა, რომ კონფიდენციალურობის გაღრმავების სახელით, სილიკონის ველის გიგანტები, რეკლამის მიწოდებასა და აუდიტორიის გაზომვაზე უფრო მეტ კონტროლს მოიპოვებენ, რაც შესანიშნავი იქნება იმ დომინანტურობის გათვალისწინებით, რაც მათ უკვე აქვთ.
ევროკავშირი ახლა სრულიად განსხვავებული კანონმდებლობის მიღების ბოლო ეტაპებზეა, იგი ბევრად უფრო ეფექტური იქნება და დაინტერესებულ მხარეთა ძალაუფლებასაც უფრო თანაბრად გადაანაწილებს. 2024 წლის მარტში ახალი კანონმდებლობა ევროპის 450 მილიონ მაცხოვრებელს მათივე პერსონალურ ინფორმაციაზე უფრო მეტ კონტროლს მისცემს. ღია ბანკინგის მსგავსად, Google-ის, Apple-ის, Facebook-ის, Amazon-ისა და Microsoft-ის ნებისმიერი ევროპელი მომხმარებელი თავისი მონაცემების უწყვეტად და რეალურ დროში გადაცემას ნებისმიერი მესამე მხარის პროვაიდერზე შეძლებს. ამასთან, მათ მონაცემების გადაცემა ჭკვიან მოწყობილობებში, სმარტ დინამიკებსა და მანქანებშიც შეუძლიათ.
კონკრეტული მასალები მონაცემთა შუამავლებს, ან, როგორც ამბობენ, მონაცემთა გაერთიანებებს გადაეცემა — ადამიანის მონაცემთა აგენტებს წარმოადგენს, რომლებიც ინტერესების დაცვას ემსახურება. წევრების ერთობლივი მონაცემთა ნაკრების კომერციალიზაციის შემდეგ კი ეს გაერთიანებები საკუთარი წევრებისთვის გადაიხდის.
საზოგადოების სურვილიც, რათა იხილოს „გააზიარე და გამოიმუშავე“ მოდელი აშკარაა. მათ მონაცემების უკეთესი ფასეულობით გამოყენება სურთ. აშშ-ის 55% ფიქრობს, რომ პერსონალური ინფორმაცია არის აქტივი, რომელიც უკეთესი ფასებისა თუ შეთავაზებებისთვის კომპანიებთან მოსალაპარაკებლად შეუძლია გამოიყენოს. გაერთიანებულ სამეფოში კი ეს მაჩვენებელი 60%-ს აღწევს. ხოლო პერსონალური მონაცემების გაზიარებისთვის ყველაზე დიდი მოტივატორი ნაღდი ანგარიშსწორება, ფასდაკლებები ან სრულიად უფასო მომსახურებები აღმოჩნდა. საზოგადოებამ გაიაზრა მათი მონაცემების ღირებულება და ახლა ამისგან სარგებლის მიღებაც სურთ.
როგორ იმოქმედებს მონაცემთა გაერთიანებებში მონაცემთა მატება რეკლამასა და მარკეტინგზე? ფიქრობენ, რომ ეს ანალიტიკისა და კვლევის პროცესს გააუმჯობესებს.
ამასთან, მონაცემთა საფულის შექმნაზეც მუშაობენ, რაც გაერთიანების წევრებს საშუალებას მისცემს, მათ მიერ გაზიარებული მონაცემები დააკოპირონ და ჩასვან იმ სივრცეში, რომელსაც აკონტროლებენ. ეს მოდელი მომხმარებლებს იმ უპირატესობასაც აძლევს, რომ აირჩიონ როდის, სად და როგორ გააზიარებენ კონკრეტულ ინფორმაციებს. დიახ, ამ სამყაროში რეკლამის განმრთავსებლებსა და მარკეტერებს ერთმანეთისთვის კონკურენციის გაწევა ღიად და სამართლიანად შეუძლიათ, თანაც, მომხმარებელთა კონფიფენციალურობის გათვალისწინებით.
როგორც უნდა განვითარდეს მოვლენები, ფაქტია, რომ მომავალი 5 წელი რეკლამის განმთავსებლებისთვის დრამატული იქნება. ჩვენ კი იმედი უნდა გვქონდეს, რომ ნებისმიერი გადაწყვეტილებით რეკლამის განმთავსებლები ინვესტიციების საუკეთესო ანაზღაურებას მიიღებენ და მომხმარებელთა მოთხოვნის გამოვლენის ყველაზე ინოვაციურ გზებსაც მიაგნებენ. მსგავსად კი, მოგებას ყველა მოახერხებს…
