ტიპოგრაფია ბრენდის იდენტობის განუყოფელი ნაწილია. Monotype-ის მიერ 400 ადამიანზე ჩატარებულმა კვლევამ კი დაადასტურა, რომ შრიფტის არჩევანი ადამიანების ემოციებზე მნიშვნელოვნად მოქმედებს. ახლად გამოქვეყნებული ტენდენციების ანგარიშშიც კომპანია ცხადყოფს, როგორ ასახავს შრიფტის ვიზუალი ჩვენს აღქმას.
Monotype-ის პროგნოზი რამდენიმე ვერსიას გვთავაზობს, რომლებიც შთაგონებულია ინფლუენსერ კულტურით, მრავალფეროვნებით, ინკლუზიით და ტექნოლოგიებით… ამასთან, ბოლო თვეებში მნიშვნელოვანი პროგრესი შეინიშნება ხელოვნური ინტელექტის, ასევე გაძლიერებული და ვირტუალური რეალობის სფეროში, რაც მიუთითებს კრეატიულობასა და ტექნოლოგიას შორის სიმბიოზურ ურთიერთობაზე.
„ეს მოხსენება ინფორმაციული კრებულია, რომელიც გვატყვევებს და ჩვენს აღფრთოვანებას იწვევს. ტენდენციები გვიჩვენებს, როგორ მოქმედებს ჩვენი ყოველდღიური ცხოვრება ასოების დიზაინზე“, — აღნიშნავს Monotype-ის კრეატიული დირექტორი ტერენს ვეინზიერლი.
Superhero
პანდემიაზე გამარჯვებით, სამყარომ ძალა და ენერგია აღიდგინა და მზად არის, თავისი დადებითი მხარე დააბრუნოს თამაშში. „სუპერგმირი“ კი პროექტებს მხიარული კომიქსების ატმოსფეროს ანიჭებს. ტენდენცია, რომელიც ხშირად კონტურებითა და ჩრდილებითაა გადმოცემული, პოტენციურად სწორედ კომიქსებისადმი მზარდი ინტერესით წარმოიქმნა.
Pixel Play
ბუნებრივი, ციფრული სახე არსად მიდის და ის შესანიშნავია ყურადღების მისაქცევად ან თქვენი ვირტუალური იდენტობის გამოსახატად.
Super Sober
აქ ნეიტრალური და ნათელი ფერების ბალანსი იგულისხმება. Super Sober მონოქრომული ფერებით, მკვეთრი კონტურითა და სიმარტივით გამოირჩევა.
Match Maker
გასული წლის ტიპოგრაფიული ტენდენციების გაფართოება, Match Maker კიდევ ერთხელ ხაზს უსვამს დიზაინერებისა და ბრენდების მზარდ იმპულსს, რათა თვალისმომჭრელი ვიზუალური ფორმები გამოიყენონ. ის უფრო დიდი და უკეთესი გახდა, რადგან ადამიანის გამოცდილების და ჩვენი ღირებულებების, მიზნების თუ მისიების გამოვლინებას წარმოადგენს.
Smart Grid
წარსულის სიმკაცრის შერბილებით, ეს დიზაინები უფრო მომრგვალებული კუთხეებით და დახვეწილობით ხასიათდება.
Flux
2023 წლის კიდევ ერთი თემა, “Flux”, განასახიერებს გრაფიკული დიზაინის დაჩქარებულ გადასვლას ახალ რეალობასა და განზომილებაში.
