ის მეთოდი, რომლითაც რეალური პერსონაჟები ფილმებში, მაგალითად, ავატარები ხდებიან, მკვლევრებს გარკვეული დაავადებების მონიტორინგში ეხმარება. აქ საუბარია პრობლემებზე, რომლებიც მოძრაობის შესაძლებლობებს აფერხებს. დროული დიაგნოსტირება კი განკურნების შანსებს ზრდის…
სხეულის მოძრაობის გასაანალიზებლად სისტემა ხელოვნურ ინტელექტს იყენებს. ტესტირების დროს ექსპერტებმა ორი გენეტიკური დარღვევის საუკეთესო ექიმებზე ორჯერ სწრაფად გაზომვაც კი შეძლეს. მეტიც, თუ მათ დავეყრდნობით, ეს ახალი წამლების შესაქმნელად საჭირო დროსა და ხარჯებსაც გაანახევრებს.
„გაოგნებული ვარ შედეგებით. გავლენა დიაგნოსტირებასა და ახალი წამლების განვითარებაზე დაავადებების ფართო სპექტრისთვის შეიძლება ძალიან მასშტაბური იყოს“, — აცხადებს ვალერია რიკოტი, კვლევის მონაწილე.
მათ ორ განსხვავებულ კვლევაში ფრიდრეიხის ატაქსიისა (FA) და დუშენის კუნთოვანი დისტროფიის (DMD) მქონე პაციენტები გამოიკვლიეს. თუმცა შეეძლოთ, ისეთი დაავადებების შემთხვევაშიც გამოეცადათ, რომლის შემდგომაც პაციენტებს გადადგილების სირთულეებთან გამკლავება უწევთ. არსებულ მკურნალობის მეთოდების კი წლები სჭირდება ხოლმე…
როგორც უკვე გითხარით, კონკრეტული კვლევები ამტკიცებს, რომ შეიძლება მკურნალობა იმაზე სწრაფი და ზუსტი გახდეს, ვიდრე ოდესმე ყოფილა. თანაც, სწორედ იმ ტექნოლოგიიდან იქნება აღებული, რომელსაც რეჟისორები მსახიობების მოძრაობის აღსაბეჭდად იყენებენ, რათა შემდგომში ეკრანზე ცოცხალი უცხოპლანეტელები შექმნან.
ეს ამბავი განსაკუთრებულ მნიშვნელობას შეიძენს, თუ სტატისტიკურ მაჩვენებლებს გავიხსენებთ — მსოფლიოში ყოველწლიურად FA მოზარდობისას 50000 ადამიანში ჩნდება, DMD კი 20000 ბავშვი, უმეტესად ბიჭებში. თუმცა ამ ეტაპისთვის მედიცინას არცერთი მათგანის განკურნება არ შეუძლია. ხელოვნური ინტელექტის დახმარებით კი, დაინახეს, რომ მას დაავადების გაუარესების პროგნოზირება თორმეტ თვეზე მეტი ხნის განმავლობაში შეეძლო, რაც იმ დროის ნახევარია, რომელიც ჩვეულებრივ ექსპერტს შეიძლებოდა დასჭირვებოდა.
ცალკეულმა ჯგუფმა ტექნოლოგია 21 DMD-ს მქონე ბიჭზე გამოსცადა, რომელთა ასაკი 5-18 წელი იყო. წინასწარ განსაზღვრეს, როგორი იქნებოდა მათი მოძრაობა 6 თვეში, იმაზე უფრო ზუსტად, ვიდრე ექიმებმა. სწორედ ამის გამო, სჯერათ მკვლევრებს, იშვიათი გენეტიკური აშლილობებისთვის ახალი წამლების ცდები უფრო ეფექტური შეიძლება გახდეს.
DMD-ს შემთხვევაში მინიმუმ 100 პაციენტია საჭირო, რათა ახალი წამლის ეფექტურობის განსასაზღვრად მნიშვნელოვანი შედეგები დაახლოებით 18 თვეში მივიღოთ. ახალი სისტემით კი ეს 15 პაციენტზე 6 თვეში უნდა გახდეს შესაძლებელი. გამოდის, საუკეთესო ვარიანტია წამლების კომპანიებისთვის, რომლებიც აქამდე ტესტირებისთვის ძვირადღირებულ კლინიკურ ცდებს ატარებდნენ.
„მეტად სავარაუდოა, რომ ეს მოიზიდავს ფარმაცევტულ ინდუსტრიას, რათა ინვესტიცია ჩადონ იშვიათ დაავადებებში. ჩვენი კვლევისთვის მთავარი ბენეფიციარები კი იქნებიან პაციენტები, რადგან ტექნოლოგია აპირებს, ახალი მკურნალობის მეთოდები რაც შეიძლება მალე შემოგვთავაზოს“, — აცხადებს რიჩარდ ფესტენშტეინი, პროფესორი.
ამ ეტაპისთვის მკვლევრები თანხმობას ელიან, რათა კონკრეტული ტექნოლოგიის გამოყენება FA-სა და DMD-ს წამლების ცდებში შეძლონ და თუ ყველაფერი კარგად ჩაივლის, ეს 2 წელში დაიწყება. ამასთან, ისინი აგროვებენ მონაცემებს, რათა გამოიყენონ იგი პარკინსონის, ალცჰაიმერისა და გაფანტული სკლეროზის შემთხვევებში.
