2013 წლიდან მოტოროლა ახალი ლოგოთი გამოვა. როგორც უკვე ცნობილია კომპანია Motorola Mobility Google-მა შეიძინა და მისი ლოგოც “გუგლისეული” გახდა.
მოტოროლა თითქმის ორი წელია Google–ის მფლობელობაშია და ლოგოს დიზაინით თუ ვიმსჯელებთ Google-ს აშკარად ბევრი ახალი გეგმა აქვს მოტოროლასთან დაკავშირებით.
ცნობილი “M” ისევ ხელუხლებელია, სამაგიერoდ შეიცვალა წრე, რომელშიც ლოგოა დახატული და ლოგოს ახალი მფლობელის სახელიც დაემატა.
ინტერნეტ გიგანტი არა მხოლოდ ახალ პროგრამებს გამოუშვებს, არამედ მათ თავის მოწყობილობებში ჩაწერს. ეს სიამოვნება Google.com-ს 12,6 მილიარდი დოლარი დაუჯდა, რაც კომპანიის ისტორიაში ყველაზე ძვირადღირებული გარიგებაა.
მიზეზი მოტოროლას შესყიდვისა მხოლოდ მობილურების წარმოება არ იყო. მოტოროლას 17 000 ტელესაკომუნიკაციო პატენტი ეკუთვნის ( შედარებისთვის ნოკია 10 000, ხოლო Apple 4500 ფლობს)
