ტექნოლოგიებისა და ინტერნეტ სივრცის განვითარებამ ნებისმიერი ინფორმაციის ელვისებური სისწრაფით გავრცელებას შეუწყო ხელი. თუმცა, საკითხავია, რამდენად სასარგებლოა ეს ფაქტი? ბულინგი – პრობლემა, რომელსაც საკმაოდ მძიმე შედეგები მოჰყვება ხოლმე, საზოგადოებაში და განსაკუთრებით, მოზარდებში დომინოს ეფექტის მსგავსად ვრცელდება. კომპანია Movistar-ისა და სააგენტო Dhélet Y&R-ს ერთობლივი ნამუშევარი სწორედ ამ მნიშვნელოვან საკითხს ეხება და მასთან დაკავშირებით ცნობიერების ამაღლებას ისახავს მიზნად.
