ალბათ, რთულად მოიძებნება ადამიანი, სასურველ ადგილას მოგზაურობზე რომ არ ოცნებობდეს. სწორედ ასეთი ოცნებების ასასრულებლად, მაისის თვეში, Visa-მ ახალი გათამაშება წამოიწყო და მიზნად დაისახა, ერთგული მომხმარებლებისთვის თავგადასავლებით სავსე მოგზაურობები ეჩუქებინა.
კუბა, ნეპალი, ტანზანია, ნორვეგია, ხორვატია, ინდოეთი, შრი-ლანკა, მალტა, იტალია თუ ესპანეთი. Visa-ს ყველაზე იღბლიანმა მომხმარებლებმა ამ საოცარი ლოკაციების მონახულების შესაძლებლობა უკვე მოიგეს და დაუვიწყარ მოგონებებსაც მალე შეიძენენ.
კამპანიის ორგანიზებას სააგენტო Saatchi & Saatchi Tbilisi ხელმძღვანელობდა. სწორედ აქ დაიგეგმა და შეესხა ფრთები Visa-ს ყველაზე მოგზაურ წამოწყებას. როგორც სააჩის წარმომადგენლები ამბობენ, მათ მთავარ მიზანს, დასამახსოვრებელი და ხმაურიანი კამპანიის შექმნა წარმოადგენდა, რომელიც მოგზაურობის მოყვარულთა ყურადღებას მიიქცევდა.
გათამაშების წინა სამზადისი მარტივი არ ყოფილა, თუმცა, როგორც Saatchi & Saatchi Tbilisi-ში სჯერათ, თუ საკმარის ძალისხმევას ჩადებ, შეუძლებელი არაფერია. ჩვენთან საუბარში, სააგენტოს Event and Production Director-ი ალექსანდრე ცხვედიანიც სწორედ ამ პროცესსა და თანმხლებ გამოწვევებზე ამახვილებს ყურადღებას:
“ნებისმიერი გათამაშების ჩასატარებლად, პირველ რიგში, ოფიციალური ლიცენზიის მოპოვებაა საჭირო. ძალიან მეამაყება, რომ სააჩის გუნდმა Visa-ს პროექტისთვის ამ ლიცენზიის მოპოვება, ფაქტობრივად, რეკორდულ დროში შეძლო და კამპანიის ორგანიზების უფლებაც, ჩვენ გვხვდა წილად.
5, 4, 3, 2, 1… ლაივში ვართ!” – შემდეგ წამიერი სიჩუმე და წამყვანის მისასალმებელი სიტყვა – ესაა მომენტი, რომელიც, ალბათ, ყველაზე მეტად დამამახსოვრდება ამ კამპანიიდან. ამ მომენტში მივხვდი, რომ შედეგი დადგა – იმ დიდი შრომის შედეგი, რომელიც, Visa-სთან ერთად, გუნდური მუშაობით გავწიეთ”.
გათამაშებას მარტივი მექანიკა ჰქონდა: ბილეთის მოსაპოვებლად, საჭირო იყო მინიმუმ 40 ლარის გადახდა ნებისმიერი Visa ბარათით ტელეფონის მეშვეობით Apple Pay-თ, Google Pay-თ, Garmin Pay-თ ან ბანკის ციფრული საფულით. რაც უფრო მეტი ბილეთის დაგროვებას შეძლებდით, მოგების შანსიც იზრდებოდა. პრიზი კი სამი სხვადასხვა კატეგორიის, 35 სამოგზაურო ვაუჩერი იყო.
კამპანიის მოსამზადებელ ფაზას არც სოციალურ ქსელებში აკლდა ყურადღება. Visa-ს ახალ წამოწყებაში ჩაერთნენ ინფლუენსერებიც და კამპანია ციფრულ არხებშიც აქტიურად გაეშვა.
გათამაშების დიჯითალში გაშლის მიზნებსა და გამოწვევებზე უფრო დეტალურად Saatchi & Saatchi Tbilisi-ს სინიორ ექაუნთ მენეჯერი, მაკა მაჭავარიანი გვესაუბრა:
“ამ კამპანიაზე მუშაობისას, ჩვენი მიზანი იყო, მაქსიმალურად მიგვეტანა აუდიტორიამდე ინფორმაცია გათამაშების შესახებ, მოგვეცვა ყველა ციფრული არხი და მოგვემზადებინა განსაკუთრებულად მიმზიდველი, “eye-catching” საკომუნიკაციო მასალა. მაქსიმალურად ვეცადეთ, რომ თითოეული ვიზუალი თუ ტექსტი იმ ემოციის მატარებელი ყოფილიყო, რაც ასეთ საოცარ ადგილებში მოგზაურობას ახლავს ხოლმე თან.
გამოწვევა იყო “Outdoor” მასალებზე მუშაობაც, თუმცა, საბოლოოდ, ყველა ამოცანას კარგად გავართვით თავი, რაზეც, გათამაშების დღეს, დოლურაში ჩაყრილი ბილეთების უდიდესი რაოდენობაც მეტყველებდა.
რაც შეეხება ემოციურ ნაწილს, ამ მხრივაც ნამდვილად დაუვიწყარი გამოცდილება იყო. შეიძლება ითქვას, Visa-მ ჩვენც, ყველა ის ადამიანი, ვინც Saatchi & Saatchi Tbilisi-ს მხრიდან ვიყავით ჩართულები ამ კამპანიაში, ოფისიდან გაუსვლელად გვამოგზაურა რამდენიმე კონტინნტზე.”
ერთთვიანი რბოლა მაისის ბოლოს დასრულდა, საბოლოოდ კი, გამარჯვებულები 23 ივნისს გამოვლინდნენ. დისნეის კრუიზი ბარსელონაში, ტანზანიის უდაბნოს ტური, კუბა და ჩრდილოეთის ციალი ნორვეგიაში – ეს მხოლოდ ნაწილია იმ გასაოცარი ადგილებისა, რომელთა მონახულებასაც Visa-ს ყველაზე იღბლიანი მომხმარებლები შეძლებენ.
“Visa-ს კამპანიები ყოველთვის მაქსიმალურ ჩართულობას მოითხოვს, რადგან, როგორც წესი, მასშტაბური და კომპლექსურია. გამონაკლისი არც გათამაშების კამპანია აღმოჩნდა და მასზე მუშაობა, ნამდვილად განსაკუთრებული და საინტერესო გამოცდილება იყო ჩემთვის.
ყველაზე დასამასოვრებელი მაინც გათამაშების დღე მგონია, როცა მოსამზადებელი ეტაპებისა და რამდენიმეთვიანი შრომის შემდეგ, ის იღბლიანი 35 გამარჯვებული გამოვლიდა, რომლებმაც მსოფლიოს გარშემო დაუვიწყარი მოგზაურობები მოიგეს. კიდევ უფრო დასამახსოვრებელი და ემოციური იყო მათი დაჯილდოება – წარმოუდგენლად სასიამოვნოა, როცა ადამიანების ასეთი სიხარულის თანამონაწილე ხდები”, – ამბობს Saatchi & Saatchi Tbilisi-ს სინიორ ექაუნთ მენეჯერი ლიკა ჯანანაშვილი.
მოგზაურობა, ფასდაკლებები, საჩუქრები და არაერთი სხვა სურპრიზი ის ბენეფიტებია, რომლებიც Visa-ს მომხმარებლებს არასდროს აკლიათ. შესაბამისად, თუ უკვე გადმოსული ხართ ყველაზე კომფორტულ მხარეზე, საჭიროა, მხოლოდ ყურადღებით ადევნოთ თვალი Visa-ს სოციალურ ქსელებს, რათა სამომავლოდ დაგეგმილი არაერთი საინტერესო შეთავაზებიდან, არაფერი გამოგრჩეთ.
[R]
