„კოკა-კოლას“ ახალი ბრენდი – წყალი „მუხრანის ველი“ 

Coca-Cola Bottlers Georgia მტკნარ წყალს „მუხრანი ველის“ ბრენდით ჩამოასხამს. ახალი პროდუქტი, ბაზარზე, 2019 წლის დეკემბრიდან გამოჩნდება.

ახლა მუშაობა ლოგოს დიზაინზე მიმდინარეობს, ბრენდი შუშის ბოთლებში გაიყიდება და მოპოვებულ მტკნარ წყალს „კოკა-კოლას“ წარმოებაშიც გამოიყენებენ.

„მუხრანის ველის“ რეალიზაცია, ძირითადად, ჰორეკა სექტორში (სასტუმრო, რესტორანი, კაფე) იგეგმება. ბრენდი, როგორც კომპანიაში ამბობენ, ექსპორტზეც გავა.

თემურ ჭყონიამ, ნატახტარში, მიწისქვეშა მტკნარი წყლის მოპოვების 25-წლიანი ლიცენზია 2019 წლის დასაწყისში  იყიდა. ლიცენზიის ღირებულებამ 302 500 ლარი შეადგინა. „მუხრანის ველი“ Coca – Cola-ს სადისტრიბუციო ქსელში ჩაეშვება და კავკასიასა და შუა აზიაში გაიყიდება.