in

რა გჭირდებათ წარმატებული მრავალარხიანი კომუნიკაციისას?

წარმატებული მრავალარხიანი (მულტიჩენელ) კამპანია საჭიროებს დინამიკურ არხებს (SMS, ელფოსტა, ხმა, ვიდეო ჩატი, ვებ და სხვა), რაც ხელს შეუწყობს აქტიურ ორმხრივ ინტერაქციას. მარკეტერებისთვის, რომლებიც თავიანთი კომპანიის ციფრულ შესაძლებლობებს აუმჯობესებენ, მნიშვნელოვანია, რომ ამ არხების ერთიანობა უწყვეტი, რაც შეიძლება მარტივი იყოს და ორიენტირებული მომხმარებელთა გამორჩეულ გამოცდილებაზე, შეხების ყველა წერტილში.

ამას გარდა, მრავალარხიანი სტრატეგიის შექმნა კომუნიკაციის საშუალებას სხვადასხვა საშუალებების გამოყენებით გვაძლევს. ეს კი, თქვენი კონტენტით უფრო მეტ ადამიანთან დაგაკავშირებთ და კონკურენტული უპირატესობის მოპოვებაში დაგეხმარებათ.

მომხმარებლის არაწრფივი მოგზაურობაც შეიძლება იყოს უწყვეტი

თქვენს ბრენდთან დაკავშირება მომხმარებელს სხვადასხვა სოციალური არხით შეუძლია. შესაძლოა, თქვენს LinkedIn-ის არხს ეწვიონ, რაც უბიძგებთ გადავიდნენ თქვენს ვებგვერდზე, ან თუნდაც, სხვადასხვა არხის მარკეტინგული კამპანიები განახორციელონ.

ზოგიერთი მომხმარებელი არ დაინტერესდება ელ.ფოსტით, მაგრამ უპასუხებს SMS-ს – ადამიანები სხვადასხვაგვარად რეაგირებენ საკომუნიკაციო საშუალებებზე. თითოეულ მომხმარებელს აქვს განსხვავებული პრიორიტეტი, თუ როგორ აღიქვამს მარკეტინგულ გზავნილს. ამიტომ ორგანიზაციებმა უნდა შესთავაზონ არჩევანის ფართო სპექტრი, რათა უფრო მეტ ადამიანს მისწვდნენ.

ავტომატიზებული მრავალარხიანი კომუნიკაციები დაგეხმარებათ მაღალი ხარისხის კომუნიკაცია დაამყაროთ მომხმარებელთან.

მომხმარებელი წყვეტს, სად, როდის და რა სახით ექნება თქვენთან ურთიერთობა

მომხმარებლები აღარ ყიდულობენ საქონელს და მომსახურებას მკაცრად განსაზღვრული დროის შუალედში, მაგალითად, ცხრიდან ხუთ საათამდე. ამ ფაქტის გააზრება მნიშვნელოვანია იმ ორგანიზაციებისთვის, რომლებიც მხოლოდ კონკრეტულ დროს არიან ღია შეკვეთის მისაღებად.

თუკი მომხმარებლისთვის სასურველ დროს, ხელმისაწვდომი არ ხართ, ის თქვენი კონკურენტისგან შეიძენს პროდუქტს. ეს სულაც არ ნიშნავს, რომ ღამის სმენაში თანამშრომლები უნდა დაამატოთ. ამისათვის ეფექტური ციფრული ინსტრუმენტებისა და მრავალარხიანი მარკეტინგული სტრატეგიის შემუშავებაც კმარა, შეხების წერტილების უკეთ ასათვისებლად.

ორგანიზაციები, რომლებსაც ინტეგრირებული მრავალარხიანი მარკეტინგული ინსტრუმენტები აქვთ, უფრო ადვილად გამოირჩევიან მომხმარებლების თვალში, მოიპოვებენ კვალიფიციურ ლიდებს და მაქსიმალურ კონვერსიას.

ყველას სხვადასხვა მიდგომა სჭირდება

მიუხედავად იმისა, რომ ორგანიზაციების უმრავლესობა გაციფრულდა, სტატიკური და საბაზისო ციფრული კომუნიკაციის მეთოდური მემკვიდრეობა ჯერ კიდევ არსებობს. ციფრული მარკეტინგული კამპანია, რომელიც გაყიდვების ზრდას მასობრივი SMS დაგზავნით შეეცდება, შედეგებს ვერ მიიღებს.

ადამიანების 98%-მა შესაძლოა გახსნას თქვენი SMS, მაგრამ კამპანიის ფარგლებში, თითოეულ ინდივიდს, დღეს, ათობით საკომუნიკაციო არხთან აქვს შეხება. ამდენად, ბევრისთვის, უბრალო SMS აღარ იქნება საკმარისი ყიდვის გადაწყვეტილების მისაღებად ან ინფორმაციის გასაცნობად.

ადამიანის ფავორიტი ციფრული არხის განსაზღვრით, ორგანიზაციებს შეუძლიათ გაგზავნონ შეტყობინება SMS-ის, ელექტრონული ფოსტის, სოციალური ქსელის ან თუნდაც WhatsApp-ის საშუალებით, იმის მიხედვით, სად უფრო აქტიურია მომხმარებელი. გაგზავნილი შეტყობინება ეს შეიძლება შეიცავდეს პირდაპირ ბმულს პერსონალურად მორგებული შეტყობინებების ლენდინგ პერსონალიზებულ გვერდზე და ჰქონდეს ისეთი ფუნქციები, როგორებიცაა – კონსულტაციის დაჯავშნა, ვებ-ფორმის შევსება, უკუკავშირი და ა.შ.

ჩამოაყალიბეთ მომხმარებლის ერთიანი ხედვა

A single customer view (SCV) ორგანიზაციებს საშუალებას აძლევს თვალყური ადევნონ თავიანთი სამიზნე აუდიტორიის აქტივობას სხვადასხვა არხზე. როდესაც SCV და კომუნიკაციები ერთი პლატფორმის საშუალებით იმართება, კარგი რეპორტინგი და ანალიტიკა დეტალურ ინფორმაციას გაწვდით იმის შესახებ, თუ როგორ გავლენას ახდენს ინტერაქცია ჩართულობის ზრდაზე. თითოეული მომხმარებლის კარგად შესწავლა ორგანიზაციებს საშუალებას მისცემს კარგად გაიაზრონ მომხმარებლის მოგზაურობის თითოეული ეტაპი და მათთან ურთიერთობა უფრო ღირებული აქტივობებით წარმართონ.

მიეცით მომხმარებლებს საკომუნიკაციო არხების არჩევის საშუალება

საკომუნიკაციო სივრცეში ციფრული კომპეტენციის მისაღწევად, ორგანიზაციები მრავალ არხს ყოვლისმომცველ საკომუნიკაციო სტრატეგიის ნაწილად განიხილავენ. ორგანიზაციებისთვის არც ისე მარტივია ეს, რადგან სოციალური მედია პლატფორმების რიცხვი რეგულარულად იმატებს. ეცადეთ, თქვენს კომპანიას ჰქონდეს ორგანული დიალოგი მომხმარებელთან, სხვადასხვა არხის საშუალებით: SMS და ელ.ფოსტა, ხმოვანი შეტყობინებები, ხმის ინტერაქციული ამოცნობა, ვიდეოზარი, მესენჯერის ტიპის აპლიკაციები, სოციალური მედია არხები, მონაცემთა არხები, მობილური გამოცდილება და სხვა.

 

წყარო: whispir

Twitter ვებზე For You-სა და Following-ს ამატებს

ფლაგმანების მორიგი „მკვლელი“ OnePlus-ისგან — მალე ზუმერში