in

9 ტენდენცია, რომელიც 2021 წლიდან მუშაობის ახალ ფორმას ჩამოაყალიბებს

ლიდერებმა სწრაფად გადაიაზრეს პრიორიტეტები და გეგმები

მიუხედავად იმისა, რომ 2020 ისტორიაში ყველაზე არასტაბილური იყო, შეცდომა იქნება იმის თქმა, თითქოს, წელმა სრულიად უმოქმედოდ ჩაიარა, რადგან სწორედ ამ პერიოდში შეიცვალა მრავალი ორგანიზაციის ბიზნეს მოდელი. ლიდერებმა სწრაფად გადაიაზრეს პრიორიტეტები, გეგმები და მთლიანობაში შეიცვალა სამუშაო გარემო.

pasha-statiebi
pasha-statiebi

ბევრი კომპანიისთვის ცვლილებები მოიცავდა სოციალურ სამართალზე რეაგირებას, სრული დატვირთვით დისტანციურ მუშაობაზე გადასვლას, ჰიბრიდული სამუშაოს ძალის მართვას და თანამშრომლების მენტალურ და ფიზიკურ ჯანმრთელობაზე ზრუნვას.

ნამდვილად სასიამოვნო იქნებოდა იმის რწმენა, რომ 2021 სტაბილურ და “ნორმალურ” მდგომარეობაში დაბრუნებას დაეთმობა, თუმცა, სავარაუდოდ, ეს წელიც სავსე იქნება მრავალი გარდამავალი პერიოდით. ძირითადი, რასაც კომპანიებმა მიმართეს, დისტანციურ მუშაობაზე გადასვლაა, მაგრამ გარდა ამისა, არსებობს კიდევ 9 ალტერნატივა, რომელიც 2021 წელს ბიზნესის განუყოფელ ნაწილად იქცევა:

1. დამსაქმებლები გადადიან თანამშრომლების გამოცდილების მართვიდან მათი თანამშრომლების ცხოვრებისეული გამოცდილების მართვაზე.

გამომდინარე იქიდან, რომ სამსახურმა სახლის სივრცეში შეაღწია, უფროსებისთვის უფრო ხილვადი გახდა თანამშრომლების პირადი ცხოვრება.

დღეისათვის ცხადი გახდა, რომ თანამშრომელების პირად ცხოვრებაში მხარდაჭერა ეფექტურ შედეგს იძლევა სამსახურეობრივი მოვალეობის მაღალ დონეზე შესრულებაშიც.

Gartner-ის 2020 წლის ReimagineHR თანამშრომელთა კვლევის თანახმად, როდესაც მენეჯერები დასაქმებულებს ცხოვრებისეულ ასპექტში უჭერენ მხარს, თანამშრომელთა მენტალური ჯანმრთელობა 23%-ით იზრდება, ხოლო ფიზიკური – 17%-ით. გარდა ამისა, სარგებელს უფროსებიც ნახულობენ, რადგან ამ დროს მატულობს მათი მოტივაცია და პროდუქტიულობა.

ამიტომაც, 2021 წელს ბევრი დამსაქმებელი მიმართავს დასაქმებულთა მენტალური ჯანმრთელობის, ფინანსური მდგომარეობის და ისეთი ცხოვრებისეული დეტალების მხარდაჭერას, როგორიცაა მაგალითად, ძილი, სწორი კვება და ასე შემდეგ.

2. მეტი კომპანია მიიღებს პოზიციებს მიმდინარე საზოგადოებრივ და პოლიტიკურ დებატებთან დაკავშირებით.

Gartner-ის კვლევა გვიჩვენებს, რომ დასაქმებულთა 74% თავიანთი მენეჯერებისგან მეტ ჩართულობას ელიან დღის კულტურულ დებატებში. ამისათვის საკმარისი არაა მხოლოდ დღის განსახილველ თემებზე შესაბამისი განცხადების გაკეთება, გახსოვდეთ, თანამშრომლების მოლოდინი ბევრად მეტია. როგორც ირკვევა, დასაქმებულების ჩართულობა 40%-დან 60%-მდე გაიზარდა, როდესაც ორგანიზაცია მიმდინარე სოციალურ თემებზე აქტიურად რეაგირებდა.

3. შესაძლოა, ხელფასი “გენდერულად” გადანაწილდეს.

ორგანიზაციების ნაწილმა 2020 წელს ჰიბრიდული მუშაობის მოდელი მიიღო, რაც გულისხმობს ოფისიდან და სახლიდან შეთანხმებულად მუშაობას. მიუხედავად ამისა, მენეჯერთა 64% ფიქრობს, რომ ოფისში შესრულებული საქმის დონე ბევრად მაღალია, ვიდრე სახლში, დისტანციურად. თუმცა 2019-2020 წლების მონაცემები საპირისპიროს გვიჩვენებს – დისტანციურად მომუშავე ადამიანების საქმიანობა 5%-ით მეტია.

რაც შეეხება გენდერს – ოფისში დაბრუნება და ჩვეულ რეჟიმში მუშაობა მამაკაცების უმეტესობას სურს, ხოლო ქალებს უფრო მეტად დისტანციური რეჟიმის შენარჩუნება სურთ. ამიტომაც, რადგანაც მენეჯერები მიკერძოებულად ამჯობინებენ ოფისიდან მუშაობას, მოულოდნელი არ იქნება, თუ მამაკაცების ხელფასი გაცილებით მეტი იქნება, ვიდრე ქალების.

4. ახალი რეგულაციები თანამშრომელთა მონიტორინგს შეზღუდავს. 

2020 წელს ყოველი 4-დან 1 კომპანია ახალ ტექნოლოგიებს ყიდულობდა, რათა ვირუსის პრევენციის მიზნით სწრაფი და საჭირო მონიტორინგი ჩატარებულიყო. პრობლემას კი ის ფაქტი წარმოადგენს, რომ კომპანიების უმეტესობას ჯერ კიდევ ვერ დააბალანსა ზღვარი თანამშრომელების კონფიდენციალურობასა და ტექნოლოგიებს შორის. Gartner-ის შედეგად ირკვევა, რომ დასაქმებულთა დაახლოებით 50% უცხადებს ნდობას კომპანიების მიერ მათი მონაცემების შეგროვებასა და გამოყენებას. 44%-ს კი არანაირი ინფორმაცია არ აქვს იმასთან დაკავშირებით, თუ როგორ იყენებენ მენეჯერები ამ მონაცემებს.

2021 წელს მოსალოდნელია სხვადასხვა სახის რეგულაციებისა და შეზღუდვების დაწესება, რა თვალსაზრისით შეიძლება მოხდეს მონიტორინგი.

5. მოქნილობა ადგილმდებარეობიდან დროზე გადაინაცვლებს.

2020-ში უკვე ვნახეთ იმის მაგალითი, თუ როგორ მოერგო სამსახური სამუშაო სივრცეს. ახლა კი დადგა დრო, როცა საქმე ეხება არა “სად?”, არამედ “როდის?”. კვლევის თანახმად, 40 საათიანი სამუშაო კვრიის ფარგლებში თანამშრომელთა პროდუქტიულობა მხოლოდ 36% იყო, ხოლო მორგებული გრაფიკის დროს 55%-მდე გაიზარდა.

6. კომპანიების უმეტესობა დასაქმებულთა ვაქცინაციას უზრუნველყოფს.

ასეთ პანდემიურ მდგომარეობაში უსაფრთხოების განცდა და სიმშვიდე ერთ-ერთი ყველაზე მთავარი რამ არის. ამიტომ კომპანიები, რომლებიც თანამშრომლებს ვაქცინით უზრუნველყოფს, ახალ ტალანტს ეფექტურად მიიზიდავენ. ასევე, საგულისხმოა, რომ ბევრი ორგანიზაცია დასაქმებულებისგან ჩატარებული ვაქცინაციის დამადასტურებელ საბუთს მოითხოვს.

7. მენტალური ჯანმრთელობის მხარდაჭერა ახალი ნორმაა. 

მენტალურ ჯანმრთელობაზე ზრუნვის ეფექტური შედეგები აქამდეც საკმაოდ ცხადი იყო. უბრალოდ, Covid-19-მა კიდევ უფრო წინა პლანზე წამოწია მისი მნიშვნელობა. მენეჯერები დიდ ყურადღებას დაუთმობენ ამ ფაქტორს, რადგან ფსიქიკური კეთილდღეობის გარეშე შეუძლებელია ნაყოფიერი მუშაობა. სავარაუდოდ, კომპანიების უმეტესობა, სამუშაო ძალის გასაზრდელად, გარდა ყოველდღიური მხარდაჭერისა, გამოყოფოს “მენტალური ჯანმრთელობის კოლექტიურ დღეს”.

8. დამსაქმებლები, ხარვეზების აღმოსაფხვრელად ტალანტის “დაქირავებას” შეეცდებიან.

როგორც ჩანს კომპანიების მოთხოვნები, პოტენციურ თანამშრომელთა უნარ-ჩვევებზე, საგრძნობლად გაიზარდა. ამიტომაც, ნაცვლად გრძელვადიანი კონტაქტის დადებისა, დამსაქმებელთა უმეტესობა კონკრეტული საჭიროების მიხედვით დროებით დაიქირავებს თანამშრომელს და გადაუხდის შესაბამის პრემიას.

9. სახელმწიფოები ინდივიდუალური ნიჭის მოსაზიდად იასპარეზებენ.

სახელმწიფოები და ქალაქები უკვე დიდი ხანია კომპანიებს საკუთარ იურისდიაქციაში მოქცევას და ტერიტორიებზე გადასვლას სთავაზობენ, რადგან ეს ავტომატურად გაზრდის სამუშაო ადგილებს. ახლა კი დისტანციური და ჰიბრიდული მუშაობის ერა ახალ სტრატეგიას გვთავაზობს – თანამშრომელი ნაკლებად იქნება დაკავშირებული თავისი უფროსის მდებარეობასთან. დასაქმებულსა და დამსაქმებელს შორის ადგილმდებარეობის დარღვევის გათვალისწინებით, სახელმწიფოები საგადასახადო პოლიტიკის გამოყენებით, უფრო მეტად ინდივიდუალური, ფიზიკური პირების მოზიდვაზე იმუშავებენ, ნაცვლად მთელი ორგანიზაციისა.

წყარო: HBR



Swoop.ge  MY.GE-ის ჯგუფს შეუერთდა

„ასტონ მარტინის“ რებრენდინგი და დიდი დაბრუნება ფორმულა 1-ში