Cadbury თაყვანისმცემლებს, თანამედროვე ტექნოლოგიის გამოყენებით, წარსულში ტკბილ მოგზაურობას სთავაზობს. კომპანიას კი მართლაც შთამბეჭდავი, 200-წლიანი ისტორია აქვს. My Cadbury Era არის ინსტრუმენტი, რომელიც შოკოლადის მოყვარულებს საშუალებას აძლევს Cadbury-ის კლასიკური პოსტერების ვარსკვლავები გახდნენ.
My Cadbury Era შექმნილია სააგენტო Bernadette-ის მიერ და ის იყენებს გენერაციულ ხელოვნურ ინტელექტს პოსტერების შესაქმნელად. ვიზიტორებმა უნდა ატვირთონ სელფი, უამრავი სხვადასხვა სტილიდან ერთ-ერთი აირჩიონ და ხელოვნური ინტელექტი კი ვინტაჟურ გამოსახულებებს დააგენერირებს.
როგორც კომპანიაში აცხადებენ, ეს მეტია, ვიდრე ნოსტალგია. საიტი მიზნად ისახავს განავითაროს მრავალფეროვნების განცდა და ამისთვის გულშემატკივრებს პოსტერების პერსონალიზაციის მრავალ ვარიანტსაც სთავაზობს.
