საფრანგეთში, Burger King-ის რესტორნებში, ბოლო დროს, ერთ-ერთი ყველაზე პოპულარული და მომხმარებლის საყვარელი პროდუქტი Mystery Burger-ია. ბრენდის სიახლე ნამდვილად მოულოდნელობებით აღსავსეა, – შესაძლოა, 2 ევროდ, მომხმარებელს რესტორნის ყველაზე დიდი და გემრიელი ბურგერი ხვდეს წილად, ან უკიდურეს შემთხვევაში, ყველაზე პატარა, ეს უკვე იღბალსა და გამართლებაზეა დამოკიდებული. Mystery Burger-ი რესტორნის სტუმრებისთვის ერთგვარი აზარტი და კარგი გასართობი გახდა, გემრიელ საჭმელს რომ თავი დავანებოთ. კომპანიამ თავისი არაჩვეულებრივი სიახლისთვის სახალისო სარეკლამო ვიდეორგოლიც შექმნა, რომელიც სააგენტო Buzzman-მა მოამზადა.
