29
Aug
2017

რაც ნაკლებს დალევთ, მით უფრო წარმატებული იქნებით ურთიერთობებში! – Heineken-ის უჩვეულო მოსაზრება

29 Aug 2017

Elit Electronics
Elit Electronics


თუ ნაკლებ ალკოჰოლს მიირთმევთ, მაშინ ქალბატონებთან წარმატებული ურთიერთობების დამყარების გაცილებით უფრო დიდი შესაძლებლობა გაქვთ. ცოტა არ იყოს, გასაკვირია, მაგრამ ამ საინტერესო მოსაზრებას უშუალოდ ლუდის მწარმოებელი კომპანია Heineken-ი ავრცელებს. უცნაური გზავნილისთვის ბრენდმა, სააგენტო Publicis-ის დახმარებით, მუსიკალური სარეკლამო ვიდეორგოლიც შექმნა. ბარში შესული ლამაზი ქალბატონები ცნობილ სიმღერას I Need A Hero მღერიან, თან გარშემო კარგ, რაც მთავარია, ფხიზელ მამაკაცებს თითქმის უშედეგოდ ეძებენ, სანამ ერთ-ერთი მათგანი ზომიერებით არ მოხიბლავს. ბრენდმა რგოლის გამოსვლის შემდეგ პრესრელიზიც გამოაქვეყნა, რომელშიც ძალიან საინტერესო სტატისტიკური მონაცემები წარმოადგინა. კვლევითმა ორგანიზაცია Canvas8-მა ვიდეოსთვის, 5 სხვადასხვა ქვეყნიდან, 21-დან 35 წლამდე 5000 ლუდის მოყვარული მამაკაცი გამოკითხა. გამოკითხულთა უმრავლესობა აღიარებს, რომ გადაჭარბებული რაოდენობით ალკოჰოლს არაერთხელ მოუტანია მათთვის  ურთიერთობებში პრობლემები. ასე რომ, თუ Heineken-ს დავუჯერებთ, რაც უფრო ნაკლებს დავლევთ, მით უფრო მაღალია შესაძლებლობა კარგი ურთიერთობებისთვის.

 

განხილვა