NASA და ტომ კრუზი კოსმოსში პირველი ფილმის გადასაღებად ითანამშრომლებენ. ამის შესახებ ინფორმაციას ოფიციალურად ავრცელებს NASA-ს ადმინისტრატორი – ჯიმ ბრიდენსტინი. პროექტის დეტალები უცნობია, თუ არ ჩავთვლით იმას, რომ გადაღებები საერთაშორისო კოსმოსურ სადგურზე იგეგმება. როგორც ტვიტიდან ჩანს, NASA პოპულარული მედიის დახმარებით, აპირებს ინჟინრებისა და მეცნიერების ახალი თაობები შთააგონოს.
https://twitter.com/JimBridenstine/status/1257752395750289409?ref_src=twsrc%5Etfw%7Ctwcamp%5Etweetembed%7Ctwterm%5E1257752395750289409&ref_url=https%3A%2F%2Fwww.theverge.com%2F2020%2F5%2F5%2F21248460%2Fnasa-tom-cruise-movie-international-space-station
ჯერჯერობით, არ ვიცით, რა ფორმით მიიღებს ტომ კრუზი მონაწილეობას პირველ ფილმში, რომელსაც კოსმოსში გადაიღებენ. თუმცა, თუ გავითვალისწინებთ მის კარიერას – შესრულებულ როლებს, სავარაუდოდ, ის ფილმის მთავარ მოქმედ გმირად შეიძლება მოგვევლინოს.
მნიშვნელოვანია აღვნიშნოთ – SpaceX-მა თებერვალში დააანონსა, რომ მსურველი მოქალაქეების კოსმოსურ სადგურზე გადაყვანას 2021 წლის მიწურულს, ან 2022 წლის დასაწყისში, ხომალდ Crew Dragon-ით შეძლებს. ფილმს, სავარაუდოდ, ამ შუალედში უნდა ველოდოთ. მანამდე, მიმდინარე წლის 27 მაისს, Crew Dragon-ით საერთაშორისო კოსმოსურ სადგურზე ასტრონავტები პირველად გაემგზავრებიან.
