ამბავი ასეთია: National Geographic-მა 2.3 მილიონი სურათიდან 20 საუკეთესო აარჩია და მათ Pictures of the Year-ის სტატუსი მიანიჭა. ასე კი ვიზუალური სთორითელინგის ტრადიციას აგრძელებენ, რომლის ავტორებიც NatGeo-ს ფოტოგრაფები არიან, რომლებიც მსოფლიოს გარშემო უნიკალური მომენტების აღსაბეჭდად მოგზაურობენ.
„ჩვენი 2024 წლის ფოტოები ვიზუალურად შთამბეჭდავია, მაგრამ სიმართლე რომ ვთქვათ, ისინი წინ წევენ გადაუდებელ გამოწვევებს… დაწყებული მარტორქების გადარჩენით, გაგრძელებული მწვანე ტექნოლოგიების წინსვლით და დამთავრებული ცხოველთა ქცევის ადაპტაციით. ვიმედოვნებთ, რომ ეს სურათები შეაჩერებს აუდიტორიას და შთააგონებს, მეტი გაიგონ მათ შესახებ“, — აცხადებს ნათან ლამპი, National Geographic-იდან.
აქ ცხოველებთან ერთად, სხვადასხვა კულტურის წარმომადგენლებსაც ნახავთ, რომელთა ამბებს National Geographic ფოტოებით გვიყვება. მათ შორისაა მკვდარი სპილოს ფოტო, რომელსაც ირგვლივ ადამიანები დასტრიალებენ — ზამბეზის მდინარისკენ მიმავალს გზაზე მანქანა დაეჯახა და მძღოლიც დაიღუპა. აღნიშნული მდინარე სპილოებისთვის წყლის ერთადერთი რესურსია, რომელთან მისასვლელადაც სამეურნეო ნაკვეთებისა და გზების გავლა უწევთ. ამ ამბავს კი კლიმატის დათბობას მიაწერენ და შეგვახსენებენ, რომ ადამიანებისა და ცხოველების თანაცხოვრებისთვის რაღაც ზომების მიღებაა საჭირო.
სხვა ფოტოებთან ერთად, სამი ინდოელი დის სურათსაც შეხვდებით, რომლითაც ჩინკი შუკლა შაჰიდას, საბირასა და კამო ხათუნს გვაცნობს. ფოტოგრაფი თითქმის ათი წელია, რაც მიწისქვეშა ბირთვული ტესტირებების ზემოქმედებას აღბეჭდავს, რომელიც ინდოეთში 1974 და 1998 წლებში ჩაატარეს. ამ დროს დები სახლში საჭმელს ამზადებდნენ… დღეს კი ისინი მხარს უჭერენ ოჯახებს, რომლებიც ახლომდებარე ტერიტორიებზე საქმიანობენ. რაც შეეხება დაფარულ სახეს, ეს მათი მუსლიმური რწმენით აიხსნება.
ამგვარად, National Geographic ფოტოებით არაერთ საინტერესო ამბავს გვიყვება, რომლებიც ქვემოთ შეგიძლიათ, დაათვალიეროთ:
