in

საქართველოს ეროვნულ ბანკს ახალი, უფრო მარტივი, მოქნილი და თანამედროვე ვებგვერდი აქვს

28 ივლისიდან, ეროვნული ბანკის ოფიციალური ვებგვერდის ახალი ვერსია „გაეშვა“. მომხმარებლები, ამიერიდან, სრულიად ახალი და განსხვავებული დიზაინით, ფუნქციონალით და ფორმატით ისარგებლებენ.

ეროვნული ბანკის ვებგვერდს, ყოველდღიურად, უამრავი მომხმარებელი სტუმრობს – საფინანსო სექტორის, აკადემიური წრის წარმომადგენლები, მედია, დარგის ექსპერტები, ანალიტიკოსები, ნუმიზმატები და სხვა. ინფორმაციას რეგულარულად ეცნობიან არა მხოლოდ ქვეყნის შიგნით, არამედ ქვეყნის გარეთაც – უცხოელი პარტნიორები, ინვესტორები, საერთაშორისო საფინანსო ინსტიტუტების წარმომადგენლები და სხვა. ვიზიტორთა ყოველწლიური მზარდი სტატისტიკა სწორედ მომხმარებელთა გაზრდილ ინტერესზე მიუთითებს“.

2005 წლის შემდეგ, ეროვნული ბანკის ვებგვერდი პირველად განახლდა.

ახალი ვერსია თანამედროვე ციფრულ მოთხოვნებს პასუხობს და მაქსიმალურად მორგებულია მომხმარებელზე: აქვს მარტივი ნავიგაცია, გაუმჯობესებული საძიებო სისტემა, მოქნილი უკუკავშირის ფორმა და რაც მთავარია, ვებგვერდის დიზაინი თავსებადია ყველა ტიპის მობილურ მოწყობილობასთან (Mobile Responsive),  მუშაობს ყველა ოპერაციულ სისტემაზე (Windows, Linux, Mac, Android, IOS), ყველა პოპულარულ ვებბრაუზერში და ინტეგრირებულია სოციალურ ქსელებთან“.

რაც შეეხება კონკრეტულ ცვლილებებს, მომხმარებლის ინტერესების გათვალისწინებით, ვებგვერდზე:

  • გაერთიანდა ეროვნული ბანკის რამდენიმე პორტალი – მომხმარებლის გვერდი, ქართული ფულის და ინტერაქციული სტატისტიკის ვებგვერდები
  • გაძლიერდა მომხმარებელთა უფლებების დაცვის ბლოკი – ამიერიდან, მომხმარებლებს შეუძლიათ პირდაპირ ვებგვერდის საშუალებით დასვან შეკითხვა, ან დააფიქსირონ პრეტენზია
  • მედიის ბლოკს პირდაპირი ეთერის მხარდაჭერის ფუნქცია დაემატა. დაინტერესებულ პირებს კი შეუძლიათ, გამოიწერონ ყოველდღიური სიახლეები, პრესრელიზები, ფოტო-ვიდეო მასალა და ა.შ.
  • დაიხვეწა სტატისტიკური მონაცემების ბლოკი. მოდულებს დაემატა მაკროეკონომიკური პროგნოზების ჩანართი
  • ცალ-ცალკე გამოიყო ფინანსური სტაბილურობისა და ზედამხედველობის მიმართულებები
  • დაემატა კალკულატორები, ტერმინები და განმარტებები, რჩევები და გაფრთხილებები ფინანსურ პროდუქტებთან დაკავშირებით
  • სიახლეა კარიერის გვერდიც – დაინტერესებულ პირს შეუძლია, რეზიუმე გაგზავნოს სასურველ ვაკანსიაზე. ასევე – გააკეთოს განაცხადი სტაჟირებაზე, სასურველი მიმართულებით

ეროვნული ბანკის ოფიციალური ვებგვერდი მნიშვნელოვანი საკომუნიკაციო არხია, რომლის საშუალებითაც ცენტრალური ბანკები ურთიერთობენ და თანამშრომლობენ ფართო საზოგადოების წარმომადგენლებთან და სხვა დაინტერესებულ მხარეებთან. ვებგვერდის დახმარებით, მომხმარებელს შესაძლებლობა აქვს მიიღოს ობიექტური, სანდო, აკადემიური და მუდმივად განახლებადი ინფორმაცია ეკონომიკაში მიმდინარე ყველაზე მნიშვნელოვან თემებზე. ასევე, ყველა საჭირო ინფორმაცია, რომელიც მომხმარებლებს საკუთარი უფლებების შესახებ ინფორმირებულობის ამაღლებაში დაეხმარება.

საწყის ეტაპზე, ახალი ვებგვერდი – www.nbg.gov.ge  სატესტო რეჟიმში იმუშავებს. პარალელურად, გარკვეული პერიოდის განმავლობაში, ხელმისაწვდომი იქნება ძველი ვებგვერდიც www.old.nbg.gov.ge.

 

[პარტნიორის კონტენტი]

ბრენდი 130 წლიანი ისტორიით – Škoda-ს შექმნის ამბავი

5 რჩევა ეფექტური რეზიუმეს შესადგენად