in ,

ნდობადაბრენდილები

1167839_10201915161662914_14975470_n

ბრენდირებული ნდობა- ანუ როგორ ვაქციოთ მომხმარებლის ნდობა გაყიდვების მძლავრ იარაღად

რას ნიშნავს „მოშინაურება“?

– ეს ისეთი რამაა, რაც დიდი ხანია დავიწყებას მიეცა. იგი მიჩვევას ნიშნავს.

– მიჩვევას?
სწორედ მაგას, – მიუგო მელიამ. – შენ ჩემთვის ჯერჯერობით მხოლოდ ერთი პატარა ბიჭი ხარ, ისეთივე, როგორიცაა ასი ათასი სხვა პატარა ბიჭი, და სრულებით არა მჭირდები. არც მე ვარ შენთვის საჭირო. შენთვის მე მხოლოდ ისეთი მელია ვარ, როგორიცაა ასი ათასი სხვა მელია. მაგრამ, თუ მომიშინაურებ, ჩვენ საჭირონი გავხდებით ერთმანეთისთვის.
ეგზიუპერის ეს დიალოგი ჩემი აზრით ძალიან კარგად გამოხატავას თანამედროვე მარკეტინგის ახლებურ ხედვას , ბაზარზე მილიონი მომხმარებელი და მილიონი ნივთი თუ სერვისია რომლებსაც ერთმანეთი საერთოდ არ სჭირდებათ, თუმცა თუ ისინი მოიშინაურებენ ერთმანეთს, მთელი ცხოვრება საჭიროები გახდებიან ერთმანეთისთვის.

” მოშინაურება” , ნდობა, მიჩვევა, ეს თანამედროვე სოციალური მარკეტინგის ჰეშთეგებია, რომელიც ყველა ბრენდს მომხმარებელთან ურთიერთობისას განსაკუთრებით უნდა ახსოვდეს.
დღეს მარკეტინგი დგას განსაკუთრებული დილემის წინაშე, ჰყავდეს, ინფორმრიებული და შესაბამისად თანაბარაი ძალაუფლების მქონე მოხმარებელი, რომელიც ხშირად მის პროდუქტში უკეთ ერკვევა, ვიდრე ის ადამიანები ვინც ამ პროდუქტის გაყიდვაში ბონუსს ან პრემიას იღებენ , თუ ”დახლქვეშიდან გამოუძვრინოს” მომხმარებელს ჯადოსნური ” პირამიდა ჯინსები ” თუ ” ამერიკული მარლბორო” .

ბრენდის პლათფორმის შემადგენელ ნაწილს ხშირად მისი არასაყოველთაოობაც განსაზღვრავს, გინდა ” ბენვე” , შეაგროვე ფული, ჩადგი გაზი , გინდ კაპრიდან მოიკითხო მეგობრები ინსთაგრამის მეშვეობით,აიღე კრედიტი, და იხადე მთელი წელი 15 ევროიანი ყავის ვახში.

თუმცა თანამეროვე მარკეტინგში მოლოდინი და რეალობა სულ უფრო და უფრო უახლოვდება ერთმანეს. უფრო და უფრო ნაკლები ადამიანი მიდის იქ, სადაც ” დუმან პირამიდები.” გუგულის 2012 წლის კვლევის მიხედვით, მომხმარებლების 57 % გადაწყვეტილების მიღებამდე აუცილებლად რჩევას ინტერნეტით იღებს, ეს ციფრი მზარდია და სავარაუდოდ რამდენიმე წელიწადში 100% -საც შეიძლება გაუტოლდეს.
მაშინ რა უნდა გაკაეთოს ბრენდმა , რომ მომხმარებელს დახვდეს იქ, სადაც ის გადაწყვეტილებას იღებს , დახვდებს იმ სახით როგორც მას მოსწონს და მიაწოდოს იმ ტიპის ინფორმაცია რომელიც მას დაეხმარება არჩევანის გაკეთებაში.
ამერიკის ფიარ ასოციაციის 2013 წლის საზაფხულო გამოცემა მთლიანად ამ თემას დაემთმო. 4 თვით ადრე ასოციაციის წევრებს გვთხოვეს ჩვენი აზრი გამოგვეთქვა ამ თემასთან დაკავშირებით, გამოქვეყნდა 8 საუკეთესო რჩევა, მათ შორის ერთ-ერთს ბებიაჩემი მეუბნებოდა ბავშვობიდან და ძალიან მიხარია რომ ამ სამეცნიერო გამოცემაში ვიხილე☺

➢ დაასწარით თქვენი მოხმარებლის მოთხოვნებს – დაიწყეთ ზაფხულზე საუბარი მაისის დასაწყისიდან , მოანდომეთ თხილამურზე სრიალი მომხმარებელს ნომემბრის ბოლოდან ( ჩემს შემთხვევას ნუ გაითვალისწინებთ, მე უკვე შემდეგ ზაფხულზე ვფიქრობ, თუმცა ვფიქრობ რომ ატიპური მომხმარებელთან გვაქვს საქმე)
➢ სთხოვეთ სოციალური მედიის ავტორიტეტებს ” შეიმჩნიონ ” თქვენი ბრენდირებული კონტენტი. ეს ის შემთხვევაა, როდესაც ”ვინ ” სთქვა უფრო მნიშვნელოვანია ვიდრე ის თუ ” რა” თქვა”
➢ აჩვენთ, ჩართეთ, მიაღებინეთ მონაწილეობა, ჰკითხეთ აზრი!დამიჯერეთ, არც ერთ ადამიანს არ უხარია იმ რაღაცის გაკრიტიკება რომლის შექმნაშიც თვითონ მიიღო მონაწილეობა
➢ გაამარტივეთ, შეანელეთ ბიუროკრატიის მანქანა, დაადაბლეთ ღობეები და აჩვენენეთ სამუშაო პროცესი, პროცედურები, ტექნიკა ადამიანები ვინც გადაეწყვეტილებების მიღების უკან დგანან.
➢ ” ნუ მიაწვებით” – ” დაძალებული ძაღლმაც დაიწუნაო” – ბებიაჩემის ეს გამოთქმა კოტლერსაც კი მოეწონებოდათ. მომხმარებელს არ უყვართ ” ”მიმწოლი” გაყიდვების მენეჯერები. სერვისის მიღების თუ ყიდვის გადაწყვეტილების მიღება მხოლოდ მომხარებლის პრეროგატივაა! ჩვენ უბრალოდ ვეხმარებით, რომ მიიღოს უფრო გონივრული გადაწყვეტილება.
➢ დაუტოვეთ მომხმარებელს საშუალება მიიღოს უსაფრთხო გადაწყვეტილება.აუცილებლად გქონდეთ პასუხები კითხვებზე, რა იქნება იმ შემთხვევაში თუ არ მომეწონება, არ მომერგება, ან უბრალოდ აღარ მომინდება ამ პროდუქტით ან სერვისთ სარგებლობა. პასუხები უნდა იყოს მარტივი და არა ბუნდოვანი , გაკრული ხელით დაწერილი ხელშეკრულების ბოლო გვერდზე.
➢ იცნობდეთ თქვენს კონკურენტებს და დადექით მათზე ერთი თავით მაღლა. ყოველდღიური მონიტორინგი, როგორც კონკურენტების აქტივობის ასევე მათი მომხმარებლების კმაყოფილების.
➢ გადააქციეთ საკუთარი სისუსტეები სიძლიერეებად. ყველაზე კრიტიკული მომხმარებელი, ზუსტად ეს არის თქვენი ყველაზე დიდი სიძლიერე! ეს არის ადამიანი რომელიც კარგად გიცნობთ, ხარჯავს დროს და ენერგიას თქვენზე. ასე რომ ხშირად ეკონტაქტეთ ყველაზე უკაყოფილო და ნეგატიურად განწყობილ მოხმარებელს, ყველაზე კარგი რაც შეიძლება გამოვიდეს არის ის რომ მტერი მოყვარედ გადაიქცეს, ცუდი კი, საკუთარი თავი განსხვავებული მხრიდან დაინახოთ.

თეონა ბაღდავაძე



მერსედესმა ჰიტლერი ბავშვობაშივე “გაჭყლიტა”

მარკეტერი 2 წლისაა