ცოტა ხნის წინ Squid Game 2-ის თიზერი ვიხილეთ, ახლა კი ვიგებთ, რომ Netflix-მა Gamescom 2024-ზე Squid Game: Unleashed გამოუშვა, ვიდეოთამაში, რომლითაც გართობას მრავალი გეიმერი შეძლებს. ზუსტად ისეთ მომაკვდავ თამაშებში ჩაგრთავთ, როგორც სერიალშია. წითელი და მწვანე შუქის გამოწვევებიც უნდა შეგხვდეთ, თუმცა აქ დამატებითი დაბრკოლებებიც იქნება. თრეილერი ინტენსიურ ქმედებებსა და მღელვარებას გვპირდება…
თამაშის ტემპი სწრაფია, მოქმედებებითაა დატვირთული და სწრაფ რეფლექსებსაც მოითხოვს. გადარჩენისთვის სტრატეგიულად აზროვნებაც დაგჭირდებათ. თავად Netflix კი თამაშს შემდეგნაირად აღწერს:
„მოემზადეთ სწრაფი, გულის ამაჩქარებელი ქმედებებისა და სასტიკი კონკურენციისთვის მრავალმოთამაშიან სამეფო ბრძოლაში. ითამაშეთ მეგობრებთან ან მტრებთან ონლაინ და ნახეთ, გაქვთ თუ არა ის, რითაც სხვა მოთამაშეებს დაამარცხებთ. Squid Game-ის მომაკვდინებელი გამოწვევებითა და კიდევ სხვა ახალი თამაშებით, რომლებიც კლასიკური საბავშვო აქტივობებითაა შთაგონებული, თითოეული რაუნდი ბნელ მოგზაურობას გთავაზობთ. შეგიძლიათ შეინარჩუნოთ სიცოცხლე თამაშის დროს?“.
მოკლედ რომ გითხრათ, მომხმარებლებს იმერსიულ გამოცდილებას ჰპირდებიან და სათამაშო ინდუსტრიაშიც დგამენ მნიშვნელოვან ნაბიჯს. თუმცა უნდა ითქვას, რომ ამასობაში საკმაოდ ბევრი თამაში დააგროვეს, ამ დრომდე 100-ზე მეტი გამოუშვეს და მომავალში გეგმავენ, რომ ყოველთვიურად მომხმარებლებს თითო თამაში შესთავაზონ.
ახლა კი Netflix Squid Game-ის თამაშს ხელმისაწვდომს როგორც iOS-ის, ისე Android-ის მომხმარებლებისთვის ხდის.
