ჯერ კიდევ გასული წლის დეკემბერში Neuralink-ის წარმომადგენლები ირწმუნებოდნენ, რომ 6 თვეში ტვინის იმპლანტის გამოცდას ადამიანებზე დაიწყებდნენ. ახლა კი აშშ-ის სურსათისა და მედიკამენტების ადმინისტრაციამ (FDA) ოფიციალური თანხმობა გასცა ადამიანური კლინიკური კვლევების ჩატარებაზე.
„მოხარული ვართ გაგიზიაროთ, რომ მივიღეთ FDA-ის თანხმობა ჩვენი პირველი კლინიკური კვლევის დაწყებაზე. ეს Neuralink-ის გუნდის წარმოუდგენელი მუშაობის შედეგია“, — ვკითხულობთ კომპანიის ტვიტერის ანგარიშზე. ასევე, აქვე აღნიშნავენ, რომ ეს უმნიშვნელოვანესი ნაბიჯია იმ მომავლისკენ, როდესაც ტექნოლოგია ბევრ ადამიანს დაეხმარება შეზღუდული შესაძლებლობების დაძლევაში.
FDA-ის სპიკერმა აღნიშნა, რომ კომპანიის იმპლანტს, სახელად R1 რობოტი, მალე ჩართავენ კლინიკურ კვლევებში. როგორც განმარტავენ, რობოტი ერთგვარი ქირურგის როლს ითავსებს, რათა იმპლანტირებული „ჯაჭვები“ სუბიექტის ტვინში მოათავსონ. კომპანიის თანახმად, ამ იმპლანტების მეშვეობით, პაციენტებს მოძრაობის ტვინით კონტროლი, მხედველობის აღდგენა და მობილობის პრობლემების მოგვარება შეეძლებათ.
მიუხედავად ნებართვის გაცემისა, ჯერჯერობით უცნობია, კონკრეტულად როდის დაიწყებს Neuralink კვლევების ჩატარებას.
