საქართველოს ფინანსთა სამინისტრომ საგადასახადო კოდექსში ცვლილებების შესახებ კანონის პროექტი გამოაქვეყნა. სფეროს ექსპერტებს, ბიზნესის თუ სხვა მიზნობრივი ჯგუფის წარმომადგენლებს შეუძლიათ, უწყებას საკუთარი შენიშვნები და წინადადებები წარუდგინონ.
ფინანსთა სამინისტროს ცნობით, პარალელურად, უახლოეს მომავალში, დაინტერესებულ ყველა მიზნობრივ ჯგუფთან გამოქვეყნებული პროექტის საჯარო განხილვა დაიწყება. საბოლოო კორექტირების შემდეგ, დოკუმენტი საქართველოს პარლამენტში გადაიგზავნება.