მომავალში NFT ყველა სფეროს რომ მოიცავს, ამაში უკვე ეჭვი აღარავის ეპარება… თუმცა ახლა ამ მომავლის შესაქმნელად NFT ბაზრობებს თაღლითობასთან გამკლავება უწევს. სწორედ ამ მიზეზით შეაჩერა გაყიდვები Cent-მა, NFT ბაზარმა, რომელიც Twitter-ის ყოფილი აღმასრულებელი დირექტორის ჯეკ დორსის პირველი ტვიტის ტოკენის გაყიდვით არის ცნობილი.
ბაზარს ზუსტად ის პრობლემა შეექმნა, რომლის გადასაჭრელადაც NFT-ები შეიქმნა: უფლებების მინიჭება ციფრულ აქტივებზე, რომლებსაც ადამიანები რეალურად ფლობენ. ახლა კი ეს უფლებები კითხვის ნიშნის ქვეშ, ყალბი NFT-ების დამზადებისა და გაყიდვის გამო, დადგა. გაყალბება დიდი პრობლემაა Web3-სთვის — ინტერნეტის ახალი გამეორების ყოვლისმომცველი კონცეფცია, რომელიც ბლოკჩეინის ტექნოლოგიას ეყრდნობა, როგორიცაა NFT. სწორედ ამიტომ, Cent-მა გაყიდვები შეაჩერა და ამ პრობლემის მოგვარებაზე მუშაობა აქტიურად დაიწყო.
თუმცა ეს პროცესი სრულად არ შეჩერებულა, Cent-ის ბაზარზე “Valuables” და ორიგინალური პოსტერების NFT-ები კვლავ იყიდება — მაგალითად, დორსის ტვიტი, რომელიც 2.9 მილიონი დოლარის კრიპტო ეკვივალენტად გაიყიდა.
საინტერესოა ისიც, რომ Cent არ არის ერთადერთი ბაზრობა, რომელიც ამ პრობლემის გადაჭრაზე ზრუნავს. პოპულარულმა NFT ბაზარმა OpenSea უფასო მოჭრის ფუნქციის გამოყენება მას შემდეგ შეზღუდა, რაც აღიარა, რომ ინსტრუმენტით დამზადებული ტოკენების 80 პროცენტზე მეტი “პლაგიატი, ყალბი კოლექციები და სპამი” იყო.
