26 მარტიდან ნაიკი Air Max-ის დღის აღნიშვნას იწყებს, რასთან დაკავშირებითაც შეზღუდული გამოშვების ბარათების ჩასადებს უშვებს. ეს უკანასკნელი Air Max 1-ის სილუეტითაა შთაგონებული.
ორიგინალი დიზაინისა და „სამეფო“ ფერის ესთეტიკის ასახვით, აქსესუარი თეთრ ბაზას და ლურჯ აქცენტებს აერთიანებს. ამავდროულად, საფულეზე ჩანს ფეხსაცმლის ფრაგმენტული ნაწილი, რაც ბრტყელი მოდელის ასოციაციას აჩენს.
Air Max პირველად 1987 წელს გამოჩნდა ბაზარზე და ერთგვარ რევოლუციურ მოდელად ითვლება სპორტული ფეხსაცმელების ინდუსტრიაში. ბრენდის მიზანი კი ახლა მისი საკულტო იერსახის პატივისცემაა.
