კომფორტული, რბილი, ჰაეროვანი… ეს მცირე ჩამონათვალია იმ მეტაფორებისა, რითაც Nike-მა თავის ახალი Air Max-ი სააგენტო ManvsMachine London-ის მიერ შექმნილ სარეკლამო ვიდეორგოლში შეამკო. ერთია, რომ ბრენდს პროდუქტი მართლაც კარგი გამოუვიდა და მომხმარებლის სიმპათიაც დაიმსახურა, თუმცა, მეორე კიდევ უფრო მნიშვნელოვანი ოქროს ლომია, რომელიც სარეკლამო კამპანიამ ბრენდს კანის ფესტივალზე მოუტანა. მარკეტინგის სფეროში ერთ-ერთ ყველაზე მნიშვნელოვან კრეატიულ ფესტივალზე სწორედ ამ 30 წამიანმა მეტაფორულმა ვიდეორგოლმა და მისმა პოსტერებმა უმაღლესი ჯილდო დაიმსახურა.
