“Nike”-მა შეპირებული სიახლე განახორციელა და ფილმ “Back to Future 2”-ის ფეხსაცმელი “Nike Mag” გამოუშვა.
“Nike Mag” ბევრისთვის სასიამოვნო სიახლის მატარებელია – მისი თასმები ავტომატურად იკვრება და მფლობელის ფეხს ერგება. თასმების სისტემა ფეხის პატარა მოძრაობაზეც რეაგირებს და სიარულს უფრო კომფორტულს ხდის. “Nike Mag” ამ დროისთვის შეზღუდული რაოდენობით და ისიც მხოლოდ აუქციონზე გაიყიდება. პირველი გაყიდვებიდან შემოსული თანხა მაიკლ ჯეი ფოქსის სახელობის პარკინსონით დაავადებულთა ფონდს გადაეცემა.
ინოვაციური ფეხსაცმლის ტესტირება პროცესშია და მალე მსხვილ წარმოებაშიც ჩაეშვება. ვიდეოში შეგიძლიათ ნახოთ, როგორ გამოიყურება “Back to future 2”-ის ფეხსაცმელი, ხოლო ქვემოთ მოცემულია “Nike Mag”-ის ფოტო.
