Nikolaus & Krampus Tea სადღესასწაულო მხიარულებისთვის გვამზადებს, ევროპული პერსონაჟებით Saint Nikolaus-ითა და მისი ბოროტი მეწყვილე Krampus-ით შთაგონებული ნაკრები იზიარებს იდეას, რომ არავინაა სრულყოფილად კარგი ან სრულყოფილად ცუდი… ამიტომაც, ორივენაირი შეფუთვით გთავაზობთ ჩაის და არჩევანს თქვენვე მოგანდობთ.
თუ Nikolaus-ის ჩაი დამამშვიდებელ არომატებს გვიზიარებს მყუდრო საღამოებისთვის, სანთლების შუქსა და ტკბილი ტრადიციების ფონზე, Krampus უფრო თამამ და ცხარე გამოცდილებას გვპირდება, რითაც ზამთრის ველურ ბუნებას ეხმიანება. ერთად კი სასიამოვნო სეზონური ჩაით ტკბობას სთავაზობენ მომხმარებლებს.
ლოგიკური გადანაწილებაა, თუ იმას გავიხსენებთ, რომ ლეგენდის თანახმად, წმინდა ნიკოლოზი ღამით ოქროს მონეტებს ტოვებდა ღარიბი ბავშვების სახლში, ამიტომაც ჩაის შეფუთვაზეც თეთრი წვერებით, წითელი ლიტურგიული ტანსაცმლითა და ქუდით ვხედავთ. ხოლო კრამპუსი ბეწვიანი ურჩხულია, წმ. ნიკოლოზის ბნელი თანამგზავრი. როგორც ამბობენ, ცუდ ბავშვებს სჯისო… ამიტომაც, გრინჩებისთვის ეს უკანასკნელი გამოდგება, ხოლო მათ, ვისაც ახლაც უყვარს სურვილების ფურცელზე დაწერა, Saint Nikolaus-ის იმედი უნდა ჰქონდეს…
შეფუთვას კარგად ნაფიქრი დეტალები მოჰყვება, მათ შორის სადღესასწაულო მისალოცი ბარათი ხელნაწერი ტექსტით და სახალისო ინსტაგრამის ფილტრი, რომელიც მომხმარებლებს საკუთარი Nikolaus-ის ან Krampus-ის სადღესასწაულო სელფების გადაღებას სთავაზობს.
Nikolaus & Krampus Tea ხასიათს, სთორითელინგსა და სეზონის შარმს აერთიანებს. ტრადიციებს თანამედროვეობას უსადაგებს, დანარჩენი კი თავად ნახეთ და აირჩიეთ, რომელი შეგეფერებათ:
