in

სამშენებლო მასალების კომპანია „ნოვა“, მომხმარებლის წინაშე, მასშტაბური ცვლილებებით წარდგა

სამშენებლო და სარემონტო მასალების კომპანია „ნოვამ“ რებრენდინგი განახორციელა. გენერალური დირექტორის, ედიშერ ხიმშიაშვილის თქმით, ამის საჭიროება მას შემდეგ დადგა, რაც „ნოვამ“ სეგმენტის გაფართოება გადაწყვიტა და B2B ტიპის გაყიდვებს B2C დაემატა. შედეგად, განახლებული ბრენდი, ბაზარზე, ახალი ვიზუალითა და კონცეფციით წარდგა.

გარანტირებული ხარისხი და პროდუქტის ექსკლუზიურობა ის ძირითადი უპირატესობებია, რაზეც „ნოვა“ მომხმარებელს, დაარსების დღიდან, ესაუბრება. როგორც კომპანიაში ამბობენ, განახლებული ბრენდის კონცეფცია კვლავ ინარჩუნებს ძველ სათქმელს, თუმცა, ახლა უფრო მრავალფეროვანი და ამავე დროს, მარტივია.

რებრენდინგის შესახებ უფრო ვრცლად, კომპანიის დირექტორი ედიშერ ხიმშიაშვილი საუბრობს.

რატომ დადგა რებრენდინგის საჭიროება კომპანიაში?

ედიშერ ხიმშიაშვილი: არსებობის 14 წლის განმავლობაში, „ნოვამ“ თავდაპირველი ვიზუალითა და კონცეფციით, როგორც B2B კომპანიამ დაიმკვიდრა სახელი. მაგრამ დრომ და ახალმა ხედვამ გააჩინა იმის საჭიროება, რომ ბაზარზე „ნოვა“ განახლებული ბრენდინგით წარმდგარიყო, რაც გულისხმობს შეფუთვასაც და კონცეფციასაც.

კიდევ ერთი მიზეზი, რებრენდინგისა იყო B2C მიმართულების დანერგვა, რის შესაბამისადაც კომპანია ახალ სამიზნე აუდიტორიაზე გადადიოდა და არსებული ვიზუალი შეცვლასა და უფრო მეტად გაახალგაზრდავებას მოითხოვდა.

რა არის ბრენდის განახლებული სათქმელი და რა იყო აქამდე?

გარანტირებული ხარისხი და პროდუქტის ექსკლუზიურობა იყო ის  ძირითადი სათქმელი, რასაც „ნოვა“ დაარსების დღიდან აჟღერებდა მის „სტეიკჰოლდერებთან“. ახალი ბრენდის, ახალი კონცეფცია ისევ ინარჩუნებს ძველ სათქმელს, მაგრამ ის ახლა უფრო მრავალფეროვანი და  მარტივია.

განახლებულ სათქმელს რაც შეეხება, „ნოვა“ ერთგულ მომხმარებელს ჰპირდება კომფორტს, სიმარტივეს, გახსნილობას, მრავალფეროვნებას, ბევრ საინტერესო ისტორიას, ნაკლებ ბიუროკრატიასა და მასთან ურთიერთობის ნებისმიერ ეტაპზე, ისეთ უნიკალურ გამოცდილებას, რომლის მიღებაც დღესდღეობით, რეალურად, ქართულ საცალო სამშენებლო-სარემონტო მასალების ბაზარზე, საკმაოდ რთულია.

„ნოვას“ განახლებული ბრენდის ახალი სეგმენტი ვინ არის?

გამოყოფილია ორი დიდი ძირითადი კატეგორია: “do it for me” და “do it yourself” მომხმარებელთა ჯგუფები. ანუ ადამიანები, რომლებიც საკუთარი სახლის/ობიექტის რემონტისთვის ან მშენებლობისთვის პროდუქციის შესაძენად მიდიან „ნოვაში“ და ადამიანები, რომლებისთვისაც მსგავსი პროდუქციის შეძენა მათი საქმიანობის ნაწილია.

რა გზა გაიარანოვამ“ დაარსებიდან დღემდე, როგორ განვითარდა კომპანია?

„ნოვას“ ისტორია იწყება სამშენებლო მასალების იმპორტით, თბილისში ნაქირავებ 90 კვ.მ-ში ათამდე თანამშრომელთან ერთად. დღეს კომპანია დაკავებულია იმპორტით, ექსპორტით, წარმოებითა და რეალიზაციით. თბილისსა და ბათუმში „ნოვას“ საკუთრებაშია 80 000 კვ.მ, რომელიც მოიცავს ორ მეგაცენტრს, საწარმოო და სასაწყობე ინფრასტრუქტურებს. საქართველოში ექსკლუზიურად წარმოადგენს საერთაშორისო ბრენდებს, შექმნილი აქვს უმსხვილესი სადისტრიბუციო ქსელი, რომელიც 500-მდე სადილერო მაღაზიას აერთიანებს, მთელი საქართველოს მასშტაბით, თანამშრომელთა რაოდენობა კი 450-ზე მეტია.

რა სირთულეებია სამშენებლო პროდუქტების ბაზარზე?

სამშენებლო პროდუქტების ბაზარზე ძირითადი სირთულე მომხმარებელთან ეფექტური კომუნიკაციის დამყარებაა, პროდუქციის სპეციფიკიდან გამომდინარე. უნდა შევძლოთ და ჩვენს მომხმარებელთან გავაჩინოთ ძლიერი ემოციური კავშირი.

გარდა ამისა, ასეთ ბაზარზე აუცილებელია უსაფრთხოების ზომების უმკაცრესი კონტროლი და მისი მონიტორინგი. ასევე გამოწვევაა, ერთ სივრცეში მომხმარებლისთვის გავაერთიანოთ პროდუქტები და სერვისები, რომლებიც სრულად დააკმაყოფილებს ბაზარზე არსებულ მოთხოვნას.

და ბოლოს, საიმიჯო კამპანიები შესაბამისობაში უნდა მოდიოდეს გაყიდვებთანაც, რაც ჩვენს სექტორში კომპანიების სიცოცხლისუნარიანობის ზღვარზე გადის.

გაუჭირდა თქვენს კომპანიას ქართული პროდუქტის სეგმენტამდე მიტანა და რა დაბრკოლებები გადალახა?

დავიწყეთ მაშინ, როდესაც წარმოების დაწყება, გარკვეულწილად, რისკის შემცველი იყო. „ნოვამ“ მიზნად დაისახა, ქართული წარმოებით ჩაენაცვლებინა იმპორტირებული პროდუქტი, გადალახა ფარული თუ ხილული დაბრკოლებები, შედეგად კი,  ქართველი მომხმარებლების აღიარება და თანადგომა მიიღო. რა თქმა უნდა, რთულია, დაიწყო არაფრისგან, შექმნა წარმოების სტანდარტი,  პროდუქცია, რომლის ხარისხი უალტერნატივოა ბაზარზე. ვამაყობთ 200 ქართული პროდუქტით, რომელიც ჩვენი დილერების საშუალებით მთელ ქვეყანაშია ხელმისაწვდომი. „ნოვას“ ბრენდის ნიშანი დღეს ხარისხის გარანტიაა. ხარისხს კი ჩვენს უცხოელ პარტნიორებთან და ბრენდებთან ერთად ვაკონტროლებთ.

რას გვიყვება ბრენდის ვიზუალური და სტრატეგიული ნაწილი და როდის დასრულდება? რატომ არის ის დროში გაწერილი?

ვიზუალური მხარე: ლოგო, ფერები და შრიფტი ბევრად ნათელი და მარტივად აღსაქმელი გახდა. შინაარსობრივად ძალიან საინტერესო დატვირთვა შეიძინა და ის, ჩვენი ხედვით, კარგად გამოხატავს 14 წლის კომპანიის არა მარტო  ვიზუალურ გაახალგაზრდავებას, არამედ  – ბევრი საინტერესო სიახლით წინსვლას.

სტრატეგიული ნაწილიდან გამოსარჩევია დაპირება და არქეტიპი, რომლის ერთიანი აღქმა სრულად გვაწვდის ინფორმაციას როგორი უნდა იყოს „ნოვა“ ახლო მომავალში.

დაპირება – ხელმისაწვდომი ფასები კომპრომისის გარეშე, ყველასთვის არასასურველი პროცედურების მარტივად გავლა შერჩევის, გადაწყვეტილების მიღებისა და ყიდვის პროცესში.

არქეტიპი – EVERYMAN, რომლისთვისაც ყველაზე პრიორიტეტული ეფექტური კომუნიკაციის დამყარება და გრძელვადიანი ურთიერთობების ჩამოყალიბებაა. ის ერთ-ერთი ჩვენგანია და არასდროს არავის უყურებს ზემოდან, უყვარს როგორც შეკითხვების დასმა, ასევე გულისყურით მოსმენა და პრობლემის გადაწყვეტაში საკუთარი წვლილის შეტანა. ნებისმიერი კომუნიკაციის პროცესში მასში ვხედავთ ჯერ გულწრფელობასა და გახსნილობას, მხოლოდ ამის შემდეგ კი – ინოვაციურობასა და ა.შ.

ეს არის ის მორალი, რომლის საფუძველზეც გაიზრდება „ნოვა“ და დროთა განმავლობაში, გაიცნობს მას როგორც სამიზნე აუდიტორია, ისე – სხვა დანარჩენი „სტეიკჰოლდერები“.

სტრატეგიული ნაწილის განხილვისას, აუცილებელია, ვახსენოთ ის სერვისები, რომელთა არარსებობაც ბაზარზე დიდ ნაპრალებს აჩენს მომხმარებელთა კმაყოფილების კუთხით და რომელთა დანერგვაც უკვე დაწყებულია „ნოვაში“. ჩვენ მზად ვართ, მომხმარებელს შევთავაზოთ ინტეგრირებული, ორგანიზებული და საერთაშორისო სტანდარტებით გათვალისწინებული სერვისები, რომლითაც დავუზოგავთ მათ დროსა და ენერგიას.

ვინ იმუშავა რებრენდინგზე?

რებრენდინგზე ერთობლივად და კოორდინირებულად მუშაობდა „ნოვას“ შიდა გუნდი,  EBRD-ის ექსპერტები და ადგილობრივი ფრილანსერი მარკეტერების პროფესიონალი გუნდი. განახლდა როგორც ვიზუალური, ისე სტრატეგიული ნაწილი.

B2B-დან B2C-ზე გადასვლის გადაწყვეტილების შესახებ რომ გვიამბოთ, რატომ და როგორ დაინახეთ ამის შესაძლებლობა?

პირველ რიგში, ბაზრის საფუძვლიანი კვლევისა და მიღებული სხვადასხვა სახის უკუკავშირებიდან ნათლად გამოიკვეთა ის ხარვეზები, რომლებიც დიდი ხანია ჩვენს სექტორში არსებობს და რომლებმაც გვიბიძგა იმ გადაწყვეტილების მიღებისაკენ, რომ დაგვემატებინა B2C მიმართულება.

ჩვენ ეს ხარვეზები გამოწვევად მივიღეთ და გადავწყვიტეთ, ახალი შესაძლებლობები მიგვეცა მომხმარებლებისთვის; შეგვევსო ბაზარი, ჩვენ მიერ დაგროვებული გამოცდილების შესაბამისად; გაგვეუმჯობესებინა სტანდარტული, ბიუროკრატიული პროცესები და შეგვეცვალა ძველმოდური მიდგომები, რომლებიც ინდუსტრიას ნელ-ნელა აზიანებს; შემოგვეტანა ახლებური, განსხვავებული და საერთაშორისო სტანდარტები, რაც, ისევ და ისევ, ბევრ არსებულ პრობლემას მოუგვარებს ჩვენს აუდიტორიას.

კიდევ ერთი უმნიშვნელოვანესი ფაქტორი იყო „ნოვას“ მიერ წარმოებულ და იმპორტირებულ პროდუქციაზე მოთხოვნის ზრდა, რომელსაც, მეგაცენტრების გახსნამდე, წარმოდგენილი მცირე შოურუმები ვეღარ აკმაყოფილებდნენ.

გადაწყვეტილებაზე უდიდესი გავლენა იქონია ისეთი შესაძლებლობების აღმოჩენამ როგორებიცაა: სამშენებლო და სარემონტო მასალების კომპანია, როგორც ბრენდი; ასორტიმენტის მუდმივი ზრდის შესაძლებლობა; არსებული მომხმარებლების უფრო ახლოდან გაცნობა და მათთვის მრავალფეროვანი პროდუქციის, ინტეგრირებული სერვისების ერთ სივრცეში შეთავაზება.

[R]

„საქართველოს ბანკში“, იურიდიული პირები ანგარიშის გახსნას „ონლაინ“ შეძლებენ

ეროვნულმა ბანკმა ფინანსური განათლების ახალი პლატფორმა – FinEdu.Gov.Ge – შექმნა