რაოდენ რთული მოსასმენი და აღსაქმელიც არ უნდა იყოს, მცირეწლოვან ბავშვებზე სექსუალური თუ ფიზიკური ძალადობა, საკმოდ ხშირი, უმძიმესი პრობლემაა. სტატისტიკურად, ყოველი 20 ბავშვიდან 1 მსგავსი ძალადობის მსხვერპლი ხდება. ერთია, თვითონ ფაქტის სიმძიმე, ხოლო კიდევ უფრო საგანგაშოა ის, რომ მასზე ხმამაღლა ვერც შეშინებული ბავშვები და რაც მთავრია, ვერც დადუმებული უფროსები საუბრობენ. ბრიტანულმა საქველმოქმედო ორგანიზაცია NSPCC-მა, რომელიც ბავშვთა უფლებების დაცვასა და მათ სოციალურად დახმარებაზე ზრუნავს, ამ რთულ თემასთან დაკავშირებით, ძალიან ემოციური სარეკლამო ვიდეორგოლი გამოუშვა. 1 წუთიანი ვიდეო, რომელშიც შემზარავ დუმილს ვერც პატარა საყვარელი გოგონა და ვერც გაუბედავი მასწავლებელი არღვევენ, სააგენტო Leo Burnett-მა მოამზადა.
