5
Dec
2018

ჩინეთში ქართული ზეითუნის ზეთი, ვისკი და ჩაი გავა

5 Dec 2018

ქართული პროდუქტით ჩინეთის მსხვილი იმპორტიორები ინტერესდებიან. ჩინეთში საქართველოში წარმოებული ქართული ზეითუნის ზეთის, ვისკისა და ჩაის ექსპორტი იგეგმება. ამის შესახებ ინფორმაციას საპარტნიორო ფონდი ავრცელებს. მათივე ცნობით, ოფიციალური ხელშეკრულებები ჩინეთის საერთაშორისო სავაჭრო პალატისა და ძიანგსის პროვინციის სავაჭრო-ეკონომიკური ურთიერთობების განვითარების ბიზნეს ფორუმის ფარგლებში გაფორმდა.

0.5 ანაბარზე
0.5 ანაბარზე

ქართული ნატურალური პროდუქტების ჩინეთის ბზარზე ექსპორტის გადაწყვეტილება ფორუმის პარალელურად მიმდინარე გამოფენის ფარგლებში გამართულ გაფართოებულ შეხვედრაზე მიიღეს. გამოფენაში „საპარტნიორო ფონდის“ ორგანიზებით, 15-მდე ქართულმა კომპანიამ მიიღო მონაწილეობა. სპეციალურად საქართველოსთვის მოწყობილ პავილიონში ქართული ნატურალური პროდუქტები იყო წარმოდგენილი.

ქართული ზეითუნის ზეთის, ვისკისა და ჩაის ჩინეთში ექსპორტის შესახებ ოფიციალური ხელშეკრულებები აბრეშუმის გზის საინვესტიციო კომპანიასთან გაფორმდა. ოფიციალურ დოკუმენტზე ხელმოწერის ცერემონია ძიანგსის პროვინციაში არსებულ ქართული კულტურისა და ღვინის სავანეში შედგა. ხელშეკრულებებს ხელი ქართული მხრიდან კომპანია „Georgian Olive”-ს დამფუძნებელმა გიორგი სვანიძემ, კომპანია „Askaneli Brothers”-ის დამფუძნებელმა ჯიმშერ ჩხაიძემ, კომპანია „ნიკორას“ დამფუძნებელმა პარტნიორმა დავით დუმბაძემ, ჩუნური მხრიდან კი ძიანგსის პრვოვინციის აბრეშუმის გზის საინვესტიციო კომპანიის წარმომადგენლებმა მოაწერეს.

„ჩვენ „საპარტნიორო ფონდთან“ ერთობლივ პროექტებზე ვმუშაობთ. ფონდი ჩინეთში ქართული ნატურალურ პოროდუქტებსაც უწევს პოპულარიზაციას. ერთად ვზრუნავთ ჩინურ ბაზარზე გამოჩნდეს არა მარტო ქართული ღვინო, არამედ ის ქართული პროდუქტები, რომლის მიმართაც ჩინეთში დიდი ინტერესია. საქართველოს საექსპორტო პოტენციალი დიდია და საქართველო-ჩინეთს შორის არსებული თავისუფალი სავაჭრო რეჟიმი ამაში ხელს გვიწყობს“, განაცხადა „ქართული კულტურისა და ღვინის სავანეს“ დამფუძნებელმა და „აბრეშუმის გზის“ საინვესტიციო კომპანიის“ გენერალურმა დირექტორმა ლიუ ძი მინიმ.

ხელმოწერის ოფიციალურ ცერემონიას ძიანგსის პროვინციაში გამართულ ბიზნეს ფორუმში მონაწილე საქართველოს დელეგაციის წევრები დაესწრნენ. ქართულ დელეგაციას „საპარტნიორო ფონდის“ აღმასრულებელი დირექტორი დავით საგანელიძე ხელმძღვანელობდა. დელეგაციაში პრემიერ-მინისტრის მრჩეველი რეგიონულ საკითხებში სოზარ სუბარი, პარლამენტის წევრი გივი ჭიჭინაძე და ბიზნეს სექტორის წარმომადგენლები შედიოდნენ.

განხილვა