აღჭურვილობის თვალსაზრისით მეტად მოკრძალებულია კია, მაგრამ ქორეოგრაფიულად მეტად ამბიციური გახლავთ… ამერიკული ბენდი OK Go-ს მუსიკალური ვიდეოები აუდიტორიას უკვე 20 წელზე მეტია აბედნიერებს და გამონაკლისი არც A Stone Only Rolls Downhill-ის ვიდეოა — 64 ტელეფონის ეკრანით მოზაიკა შექმნეს, რომელიც ჰარმონიულად გადმოგვცემს თითოეულ კადრს.
თუ არსებულ ცნობებს დავუჯერებთ, ვიდეო 8 დღეში გადაიღეს და 1043 კადრს აერთიანებს, კადრების საერთო ხანგრძლივობა 2 საათსა და 23 წუთს უდრიდა, მათ მომზადებაზე კი 577 საათი დაიხარჯა…
„ჩემი ტვინი ჯერ კიდევ ვერ გამოჯანმრთელდა იმ მათემატიკური გამოთვლების შემდეგ, რაც ამ ვიდეოსთვის დაგვჭირდა…“, — აცხადებს კრის ბუონჯორნო, რეჟისორის დამხმარე, რომელმაც დამიან კულაშთან ერთად იმუშავა.
და ღირდა თუ არა ამად, მოდით, თავად შეაფასეთ: