in

“OREO”-სგან მხოლოდ “RE” დარჩა… რა მოხდა?

ბევრისთვის საყვარელი ორცხობილების ბრენდის OREO ლოგოდან, “O” ასო გაქრა… ახალი ბრენდინგი “ორეოს” ფეისბუკ გვერდზე გასულ პარასკევს გამოჩნდა და დასახელებიდან მხოლოდ ორი ასო – “RE” არის დარჩენილი… ასეთმა მოულოდნელმა ცვლილებამ ბევრს გაუჩინა კითხვა. ზოგიერთმა მომხმარებელმა ისიც კი ივარაუდა, რომ “O” ასო ორცხობილას გამოხატავდა, ხოლო ბრენდი მისი გემრიელი კრემის ცალკე პროდუქტად გამოშვებას გეგმავს… ზოგმა იხუმრა კიდეც, რომ თანოსმა (Marvel-ის პერსონაჟი) გაატკაცუნა თითები და ბრენდის ნახევარი გააქრო…

თუმცა, დღის ბოლოს, “ორეომ” კვლავ დააბრუნა ძველი ლოგო და გულშემატკივრებს შეატყობინა, რომ “O”-ს ასეთი უჩვეულო გაუჩინარება სისხლის მსოფლიო დონაციის დღეს ეძღვნებოდა. სისხლის ტიპი “O” სისხლის უნივერსალურ დონორად ითვლება, ანუ ის სისხლის სხვა ჯგუფებთანაა თავსებადი.

როგორც გაირკვა, “OREO” ამერიკის წითელი ჯვრის კამპანიაში მონაწილეობდა. კამპანიის ფარგლებში, ასო “O” გაქრა ისეთი ბრენდების სახელწოდებებიდანაც, როგორებიცაა Domino’s (“D min ’s”), Facebook (“F ceb k”), Google (“G gle”), IBM (“I M”), Adobe (“ d e”), Amazon (“ m z n”) და სხვები…

ვინ მოიგებს კანის ლომს? – Marketer-ის პროგნოზი

Mastercard, ტრანსგენდერ ადამიანებს, სახელის არჩევის შესაძლებლობას მისცემს