OSHEE პოლონური ბრენდია, რომელიც აწარმოებს ვიტამინიზებული და ენერგეტიკული ტიპის სასმელებს ჯანსაღი ცხოვრების მიმდევრებისთვის: დაღლილობის სინდრომის მოსახსნელად, ნივთიერებათა ცვლის მოსაწესრიგებლად, წონის კორექციისათვის, პროფილაქტიკისთვის და ა.შ. პროდუქციის შესახებ ცნობადობის ასამაღლებლად, კრეატიულ სააგენტო Digitalmate-სთან თანამშრომლობით, შეიქმნა რამდენიმე ვიდეორგოლი, რომელიც განსხვავებული სტილის და ინტერესების მქონე ადამიანების მიზანსა და გამარჯვებაზე მოგვითხრობს.
პირველ ვიდეოში ჩანს ძალოსანი, რომელშიც საკუთარ თავში აღმოაჩენს გმირს, შემდეგ კი ვეცნობით ქალს, რომლისთვისაც ბალანსი მთავარი ცხოვრებისეული ამოცანაა, ბოლოს კი ვხედავთ მოცეკვავეს და მის გამარჯვებას, რომელსაც სიმსუბუქეში პოულობს.
ამას გარდა, შეიქმნა ვიდეორგოლი, სადაც ცნობადი სახეების ინტერვიუა წარმოდგენილი.
