ძალიან კრიტიკულ უფროსთან მუშაობისას შეიძლება იგრძნოთ, რომ ვიღაც მიკროსკოპის ქვეშ გაკვირდებათ. ყოველი დავალება, რაც არ უნდა მცირე იყოს, იწვევს მის ჭარბ ყურადღებას. შეხვედრები ხანდახან ინკვიზიციას ჰგავს და უმეტესად დროს ატარებ იმის მოსმენაში, თუ რა ხდება არასწორად, ვიდრე სწორად.
მოაზროვნე პროფესიონალებისთვის, რომლებიც დიდ ემოციურ ენერგიას დებენ თავიანთ საქმეში, ამ ტიპის ლიდერთან მუშაობა შეიძლება განსაკუთრებით დამღლელი იყოს. ბევრი საუბრობს ნეგატიურად ასეთ მენეჯერებზე. ეს სულაც არ არის შორს სიმართლისგან. ხშირად, ვინმეს კრიტიკული ბუნება უფრო მეტად გამომდინარეობს საკუთარი დაუცველობისა და ცუდი გამოცდილებისგან, რამაც ზედმეტად ფრთხილი გახადა, ან კონტროლის შენარჩუნების საჭიროება გაუმძაფრა.
მიუხედავად იმისა, რომ თანაგრძნობა სასარგებლოა, მენეჯერის კრიტიკის მიღმა არსებული რთული მოტივაციის დიაგნოსტიკის მუდმივი მცდელობა შეიძლება იყოს არაპროდუქტიული. ამის ნაცვლად, ბევრად უფრო მოგებიანია ფოკუსირება იმაზე, თუ როგორ შეგიძლია ნავიგაცია ამ ტიპის ადამიანთან მუშაობისას ისე, რომ შენი ცხოვრება ნაკლებად სტრესული იყოს.
კრიტიკულად განწყობილ უფროსთან ურთიერთობის მართვა არ ნიშნავს საკუთარი განცდების უგულებელყოფას ან მათი ბრძანებების ბრმად შესრულებას. მეტიც, ეს გულისხმობს თქვენს ურთიერთქმედების პროაქტიულ კონტროლს და ნაბიჯების გადადგმას მათი ქცევით გამოწვეული ემოციური ზარალის შესამცირებლად.
უკუკავშირი ჩათვალეთ მის ჩართულობად
უკუკავშირი ნიშნავს, რომ თქვენი უფროსი ყურადღებას აქცევს თქვენს სამუშაოს და არ არის გულგრილი თქვენი პროექტებისა და შედეგების მიმართ – თუნდაც მათ ამის გამოსახატავად არასწორი გზები ჰქონდეთ. როდესაც თქვენ ხედავთ თქვენი მენეჯერის კრიტიკას, როგორც ნიშანს იმისა, რომ ისინი ინვესტიციას აკეთებენ თქვენს საქმიანობაში, უფრო ადვილი ხდება მათი კომენტარებიდან ღირებული შეხედულებების აღება. მათი გადმოცემის უნარი შეიძლება არ იყოს იდეალური, მაგრამ ისინი საკმარისად ზრუნავენ საქმის განვითარებაზე. მენეჯერს რომ არ აინტერესებდეს, როგორ მიგდით საქმე, შეიძლება არც კი შეწუხდეს უკუკავშირის მოწოდებით.
შეეცადეთ გამიჯნოთ ტონი შინაარსისგან. გააკეთეთ ყველაფერი, რომ გონებრივად მოიცილოთ თქვენი მენეჯერის სიტყვებისგან გამოწვეული ემოციური მუხტი. წარმოიდგინეთ, რომ უკუკავშირი დგება ნეიტრალური ტონით.
დაასწარით ერთი ნაბიჯით
სანამ თქვენი ხელმძღვანელი მოიცლის კრიტიკისთვის, დაასწარით და თავად უთხარით – „მე ვგეგმავ პროექტს ასეთი მიდგომით. რაიმე იდეა ხომ არ გაქვს ამაზე?” სანამ რამეს წარუდგენთ თქვენს უფროსს, აუხსენით: „ვიცი, რომ ზრუნავთ კონკრეტიკაზე, ამიტომ განსაკუთრებული ყურადღება მივაქციე დამაჯერებელი ვიზუალური დაფის შექმნას“.
ასევე, იმის ნაცვლად, რომ იშრომოთ დღეებით – ან კვირებით – სრულყოფილი რეპორტისთვის, შექმენით პირველი მონახაზი და თქვით: „აი, რაც აქამდე მოვამზადე. ეს ცოტა უხეში მონახაზია, მაგრამ მინდოდა გადმომეცა ძირითადი იდეები და სტრუქტურა“. თქვენი უფროსი კმაყოფილი იქნება და თქვენც დაზოგავთ ენერგიას.
ცადეთ მიდგომა „დიახ და…“
აღიარეთ თქვენი უფროსის პერსპექტივა („დიახ“), შემდეგ დაამატეთ თქვენი პერსპექტივა ან წინადადება („და“). ეს შესანიშნავი გზაა თქვენი იდეების ვალიდაციისთვის და იმის საჩვენებლად, რომ მათ გამოხმაურებას ითვალისწინებთ.
დააჯილდოვე კარგი ქცევისთვის
დიახ, წესით ამას კრიტიკულად განწყობილ მენეჯერებს უნდა ვეუბნებოდეთ, მაგრამ თქვენც წაგადგებათ – ურთიერთობა ხომ ორმხრივი პროცესია. ზოგჯერ, როცა ნაკლებად კრიტიკულია, შეგიძლიათ ეს დადებითი თვალსაზრისით აღნიშნოთ – „მადლობა თქვენი აზრის გაზიარებისთვის, ეს მეხმარება განსხვავებული კუთხით დავინახო საკითხი“…
წყარო: HBR
