ჯოშ სანდქვისტი პარალიმპელი სპორტსმენია. მას, 9 წლის ასაკში, სიმსივნის დიაგნიზის გამო, ფეხი მოკვეთეს. მაგრამ ბავშვობის ოცნებაზე, გამხდარიყო „დისნეის“ ანიმატორი, უარი არ უთქვამს.
თითქმის, 10 წელია, ყოველ წელს, ჰელოუინის დღესასწაულისთვის, სპეციალურ ფოტოსესიას აწყობს და “Disney“-ის გმირებს აცოცხლებს.
„ბავშვობაში „დისნეის“ ანიმატორობაზე ვოცნებობდი. შემდეგ, 9 წლის ასაკში, ფეხი დავკარგე. ამ ამბიდან, დაახლოებით, ერთ კვირაში “Walt Disney“-ს ანიმატორ ბრუზ ჯონსონისაგან წერილი მივიღე. აღმოჩნდა, რომ მას ორივე ქვედა კიდური ამპუტირებული ჰქონდა. წერილთან ერთად, ნახატიც გამომიგზავნა – ფურცელზე ჯინი ეხატა. ბრუზი, ბევრ სხვასთან ერთად, ამ პერსონაჟსაც განასახიერებდა“.
დღეს რამდენიმე პროფესია აქვს: არის მოთხილამურე, კომედიური შოუს მსახიობი, სხვადასხვა გამოცემის ავტორი და სპიკერი.
2018 წლის კოსტიუმი სპორტსმენმა ბრუზ ჯონსონს მიუძღვნა და ჰელოუინისთვის ჯინის ფორმა მოირგო.
