2022 წელს მულტიკულტურალიზმი მთავარ მამოძრავებელ ძალად იქცა ბრენდებისთვის. დღეისათვის მომხმარებლებს ავთენტური, ინკლუზიური და სამართლიანობაზე დაფუძნებული კონტენტი იზიდავს — მედია, რომელიც ადამიანებს ამოძრავებს, შიდა მიკერძოებებს გამოწვევების წინაშე აყენებს და მრავალფეროვნებას გამოხატავს.
როგორც მედიისა და გართობის ავტორიტეტმა, Paramount-მა გამოიყენა თავისი რესურსები, რათა გაეზიარებინა რა მუშაობს და რა არა მულტიკულტურულ კომუნიკაციაში. აქ ყველა ნიუანსი გასათვალისწინებელია, რადგან სწორედ დეტალები ქმნის რეზონანსულ და წარმატებულ ისტორიებს.
ნახეთ, როგორ გამოიყურება, ჟღერს და იგრძნობა ინკლუზიური კომუნიკაცია 2022 წელს Paramount-ის მიხედვით:
ინკლუზია არის ყველაფრის ცვლილება, მაშინაც კი, თუ ეს არ გესმით. მომხმარებლები ძალიან ჭკვიანები არიან. მათ შეუძლიათ ამოიცნონ ბრენდი, რომელიც ამბობს, რომ ის მრავალფეროვანი და ინკლუზიურია, მაგრამ სინამდვილეში მისი ქმედებები ამ იდეებს არ შეესაბამება… შეცდომა, რომელსაც ბრენდები აწყდებიან მულტიკულტურულ მარკეტინგთან მიახლოებისას არის ის, რომ მათი აზრით, ეს მხოლოდ მოკლევადიანი მიზანია — ეს ასე არ არის, არამედ კომპანიის განუყოფელ ნაწილად უნდა იქცეს.
Paramount-ში ამას ორი პანდემიის ისტორია უწოდებენ. ერთი მხრივ, რასობრივი დაპირისპირებები, ჯორჯ ფლოიდისა და მრავალი სხვა ტრაგიკული სიკვდილით. ეს ყველაფერი ნათელს ჰფენს იმას, თუ როგორ არაპროპორციულად მოქმედებს პოლიტიკა და პრაქტიკა შავკანიან ამერიკელებზე. ამას მოჰყვა Covid-19-ის პანდემია, რაც დიდ ტრაგედიად იქცა მსოფლიოსთვის. „Paramount-ში ჩვენ ნამდვილად გვაქვს პასუხისმგებლობა, ვისაუბროთ ამ უთანასწორობაზე და რეალურად გავაკეთოთ რაიმე ამასთან დაკავშირებით. იმისათვის, რომ მულტიკულტურულმა მარკეტინგმა იმუშაოს, აუცილებლად უნდა შეინარჩუნოთ მრავალფეროვნება“.
გარდა შავკანიანებზე საუბრისა, კომპანიაში აზიელ ოჯახებზე არ საუბრობენ. ერთ-ერთი თანამშრომელი ამბობს: „ბავშვობაში არასოდეს მინახავს ამერიკულ ფილმში ვინმე „ჩემნაირი“ და ჩვენი მსგავსი ოჯახის დინამიკა, რომელიც განსხვავებულ გამოცდილებას ასახავს. დღეს ჩემს შვილებს შეუძლიათ, ფილმებშიც კი შერეული ოჯახები ნახონ, სადაც ქალები მთავარ როლს ასრულებენ“.
რა თქმა უნდა, მულტიკულტურული მარკეტინგის დროს თაობათა სხვაობაც გასათვალისწინებელია — ის, რაც თინეიჯერებისთვის მუშაობს, პენსიონერებისთვის შეიძლება მიუღებელი იყოს. ამიტომაც, ყველა ბრენდმა უნდა განსაზღვროს, როგორ კომუნიკაციას ამყარებს საზოგადოებასთან, ანუ, „ვის როგორ ელაპარაკება“. ამისათვის საჭირო და გარდაუვალია სამიზნე აუდიტორიის მოთხოვნილებების შესწავლა,
„ყველა ბრენდი, რომელიც მულტიკულტურულ გზებს არ შეიმუშავებს, ნელ-ნელა გაქრება. სულ მალე მულტიკულტურული მარკეტინგი უბრალოდ მარკეტინგი გახდება. მას აღარავინ გამოყოფს ცალკე, რადგან ბუნებრივ პროცესად ჩამოყალიბდება“.
