PayPal-ის მომხმარებლებს, მალე, საშუალება ექნებათ, კრიტპოვალუტა გაყიდონ, იყიდონ ან თავის „ონლაინ“ საფულეში შეინახონ. კრიპტოვალუტას, გადახდებისას გამოიყენებს კომპანიის 26 მილიონი მერჩანტიც. ამ თემაზე PayPal-მა ოფიციალური განცხადება, ცოტა ხნის წინ, გაავრცელა.
პირველ ეტაპზე, PayPal-ით, მომხმარებლები, ბიტკოინს, ეთერიუმს, ბიტკოინ ქეშსა და ლაით კოინს იყიდიან. ახალი ფუნქცია ამერიკაში რამდენიმე კვირაში ამოქმედდება. კომპანიაში ამბობენ, რომ კრიპტოვალუტით გადახდა სოციალური გადახდების სერვის Venmo-ს დაემატება, მსოფლიოში კი, ეს მომსახურება, 2021 წლის პირველ ნახევარში იქნება ხელმისაწვდომი.
ახალ სერვისთან ერთად, ამერიკაში, PayPal-ის მომხმარებლები შეღავათებსაც მიიღებენ: 2020 წლის 31 დეკემბრამდე, კრიპტოვალუტის ყიდვის ან გაყიდვისას, არ გადაიხდიან მომსახურების გადასახადს. მათ არც ანგარიშზე კრიპტოვალუტის შენახვისთვის მოუწევთ საკომისიოს გადახდა.
სხვა დეტალები, PayPal-ზე კრიპტოვალუტით ვაჭრობასა და „ონლაინ“ საფულეში მის შენახვაზე, უახლოეს მომავალში გახდება ცნობილი.
