პიცის მარტო ჭამა გიყვართ თუ მეგობრებთან ერთად? ამ უკანასკნელს ბევრად მარტივად მოახერხებთ, თუმცა პიცის მარტო ჭამა ისე, რომ არავინ ჩაგეზიაროთ, დიდ გამოწვევას ჰგავს… ამიტომაც Pizza Hut-მა გადაწყვიტა, ერთკაციანი რესტორანი შეეთავაზებინა მომხმარებლებისთვის — Personal Pan Pizza Hut პატარა იდეაა, რომელზეც ფიქრობენ, რომ დიდ შთაბეჭდილებას მოახდენს.
მინიატიურული Pizza Hut ექსკლუზიურად ემსახურება Personal Pan Pizza-ს და სტუმრებს საშუალებას აძლევს, თავიანთი უახლესი პროდუქტები დააგემოვნონ, იქნება ეს პესტო, ცხარე სოუსი, ქათმის სოუსი თუ კარამელიზირებული ხახვი.
„ჩვენ უბრალოდ პიცას არ გთავაზობთ — ხელახლა წარმოვიდგენთ, თუ როგორ შეიძლება გამოცადონ სტუმრებმა Personal Pan Pizza ინოვაციური, თანამედროვე და პერსონალიზებული გზით… ეს აერთიანებს იმას, რაც სტუმრებს ყოველთვის უყვარდათ ჩვენს ბრენდში: თანამედროვე ტოპინგები და რეცეპტები, ინოვაციური კონცეფციები და ინსტაგრამის ღირსი გამოცდილებები“, — აცხადებს მელის ფრიებე, Pizza Hut-ის მარკეტინგის ხელმძღვანელი.
Personal Pan Pizza Hut ამ ეტაპისთვის მხოლოდ ნიუ-იორკშია გახსნილი, თუმცა რადგან ერთ ადამიანზეა გათვლილი, სტუმრებს მისვლამდე დაჯავშნა მოუწევთ…
