McKinsey-ის კვლევამ აჩვენა, რომ მომხმარებელთა 71% ბრენდებისგან პერსონალიზებულ შეტყობინებებს ელის. ეს საკმაოდ რთულია დიდი ბრენდებისთვის, რომლებსაც მილიონობით მომხმარებელი ჰყავს. მათთვის პერსონალიზაცია ტექნოლოგიას მოითხოვს. მსოფლიოს საუკეთესო მონაცემთა მეცნიერებიც კი არ ვერ შეძლებენ ამ რაოდენობის ინფორმაციის სათანადოდ დამუშავებას.
პერსონალიზაცია მომხმარებელთან შესაბამისობას გულისხმობს. დაფიქრდით, აწვდით თუ არა მათ საჭირო ინფორმაციას იმ საკითხზე, რაზეც ისინი ეძებენ პასუხებს ან ეკონტაქტებით იქ, სადაც ისინი არიან?
McKinsey-ის შეფასებით, უზარმაზარი შემოსავლის მიღება შეუძლიათ ორგანიზაციებს, რომლებიც მასშტაბურად განახორციელებენ ჰიპერპერსონალიზაციას. პერსონალიზებული კომუნიკაციების გამოყენებით, ორგანიზაციები გამოიმუშავებენ 1,7-3 ტრილიონ დოლარზე მეტს, მომდევნო წლების განმავლობაში.
რა სარგებელი მოაქვს მასშტაბურ პერსონალიზაციას?
მარკეტერები ინტერნეტის შექმნიდანვე ცდილობენ გამოიყენონ პერსონალიზაცია. გამოცდილების პერსონალიზებისთვის საჭირო მონაცემების შეგროვებისთვის, აქტიურად გამოიყენებოდა ვებ-ბრაუზერის ინსტრუმენტები და მესამე მხარის ქუქი-ფაილები.
ეს, გარკვეულწილად, მოტივირებული იყო იმ მომხმარებლების მომსახურეობის აუცილებლობით, რომლებიც სულ უფრო მეტად ელიან უფრო თავსებად და პერსონალიზებულ გამოცდილებას. ტექნოლოგიურმა ინოვაციებმა და ბიზნესის მიზნებმა მარკეტერებს უბიძგა გაზარდონ კომუნიკაციის მასშტაბი. ამან ციფრული გადატვირთვა გამოიწვია. მომხმარებელი ვერ მივა მათთან, რეკლამის ნახვის გარეშე. სინამდვილეში, მათ დილით საწოლის დატოვებაც კი არ უწევთ, რადგან დამუხტული სმარტფონით უდევთ გვერდით მუდმივად.
ყველამ, ვისაც ინტერნეტი აქვს, იცის, რომ ბრენდები ტვირთავენ მომხმარებელთა ინბოქსსა და სოციალურ ქსელებს, მარკეტინგული შეტყობინებებით. ეს გამაღიზიანებელია. არადა, არავის სურს თავისი მომხმარებლების გაღიზიანება. მაშ, როგორ გაარღვიოთ ეს კედელი? გახდით უფრო აქტუალური.
McKinsey-ის კვლევამ აჩვენა, რომ 76% (ან მეტი) მომხმარებელი რეკომენდაციას გაუწევს ბრენდს და ყიდულობს ან ყიდულობს ბრენდს, რომელიც პერსონალიზებულ გამოცდილებას სთავაზობს. პერსონალიზაცია მომხმარებელს აგრძნობინებს, რომ მას ხედავს, უსმენს და ესმის მისი. ესაა ადამიანების ბუნებრივი მოთხოვნილება და მოაზროვნე ადამიანებისთვის ძალიან მნიშვნელოვანია. ის ბრენდები, რომლებიც არ ცდილობენ გამოცდილების გასაუმჯობესებლად, მომხმარებლებს კარგავენ.
პირველი მხარის მონაცემები
პირველი მხარის მონაცემები არის ინფორმაცია, რომელსაც იღებთ უშუალოდ თქვენი აუდიტორიისგან, იქნება ეს თქვენი მომხმარებლები, საიტის ვიზიტორები თუ სოციალური მედიის გამომწერები. ინფორმაცია შეიძლება მოიცავდეს დემოგრაფიულ ინფორმაციას, ქცევითი ურთიერთქმედებას თქვენი ბრენდთან, პროდუქტთან, სოციალურ საუბრებთან, შესყიდვების ისტორიასთან და სხვა.
პირველი მხარის მონაცემები ახლა უფრო მნიშვნელოვანია, ვიდრე ოდესმე, იმის გათვალისწინებით, რომ ბრაუზერები მალე შეწყვეტენ მესამე მხარის ქუქი-ფაილებზე წვდომას. მნიშვნელოვანია განიხილოთ, თუ როგორ იმოქმედებს ეს თქვენს მარკეტინგულ კამპანიებზე. დაფიქრდით, როგორ შეძლებთ წაახალისოთ მომხმარებლები, თავისი სურვილით გაგიზიარონ პირადი ინფორმაცია?
კონტენტის მიწოდება ყველაზე პოპულარული გზა გახლავთ მომხმარებლების წახალისებისთვის და შენარჩუნებითვის. რაც დრო გავა, ღია წვდომის კონტენტი სულ უფრო აქტუალური ხდება. მომხმარებლების მოსაზიდად სხვა გზებიც არსებობს. შეგიძლიათ დაგზავნოთ ელ.ფოსტა საინფორმაციო გამოწერების, ფასდაკლების აქციების ან ვირტუალური ღონისძიებების რეგისტრაციის მეშვეობით. აქ მთავარია ღირებულების მიწოდება, მონაცემთა სანაცვლოდ.
ინტეგრირებული ტექნოლოგია
მნიშვნელოვანია დარწმუნდეთ, რომ ავტომატიზაციის ყველა ინსტრუმენტი მჭიდროდაა ერთმანეთთან დაკავშირებული. მნიშვნელოვანია, რომ გქონდეთ თანმიმდევრული ინფორმაცია პლატფორმების შესახებ. მაგალითად, თუ იყენებთ Salesforce-ს გაყიდვების კამპანიების სამართავად და Hubspot-ს მარკეტინგისთვის, დარწმუნდით, რომ მათ შორის არის API კავშირი, რათა გაყიდვებმა გამოიყენონ Hubspot-ის მონაცემები უფრო ინფორმირებული გადაწყვეტილებების მისაღებად.
მომხმარებლის მოგზაურობისას შეხების ყველა წერტილი მნიშვნელოვანია. შემოვა თუ არა ვიზიტორი თქვენს ვებგვერდზე, დაამატებს თუ არა პროდუქტებს თავის კალათაში, შესყიდვამდე, მნიშვნელოვანია თვალყური ადევნოთ თითოეულ ინტერაქციას.
ტალანტი
მონაცემები და ტექნოლოგია უკვე გაქვთ, ახლა შესაბამისი ტალანტები გჭირდებათ გუნდში, რათა პერსონალიზაცია ყოველდღიურად წარმართოთ. ერთი რამ ცხადია: თუ პერსონალიზაციას სწორად იყენებთ, პერსონალის დამატებითი ხარჯი ბევრად დიდი შემოსავლით დაუბრუნდება თქვენს ბიზნესს.
თუ ძველი მონაცემების დამუშავება გსურთ, საამისოდ ვინმეს დაქირავება სწორი გადაწყვეტილებაა. იქნება ეს ნახევარ განაკვეთზე თუ სრულ განაკვეთზე, მოძებნეთ ადამიანი, რომელიც გააკონტროლებს თქვენი პერსონალიზაციის სტრატეგიის ყოველდღიურობას. იდეალური კანდიდატი კარგად ფლობს ბიზნეს ინტელექტს, მონაცემთა ანალიტიკას, ლიდების კვალიფიკაციის მოდელებს და API-ს. ასეთი თანამშრომლები იმუშავებენ თქვენი მარკეტინგისა და გაყიდვების ხელმძღვანელთან და მარკეტინგული ოპერაციების გუნდის ნაწილი იქნება.
შემდეგი ნაბიჯი არის პროცესის შექმნა, რომელიც დაგეხმარებათ არა მხოლოდ მონაცემთა შეგროვების დაგეგმარებაში, არამედ იმის გარკვევაში, თუ როგორ დაანაწილოთ კატეგორიებად. ეს რთული პროცესია და თქვენგან მოითხოვს გულდასმით გააანალიზოთ მომხმარებლის მონაცემები, მოძებნონ შაბლონები, მიუთითოთ მნიშვნელოვანი დემოგრაფიული ინფორმაცია და შექმნათ საკვალიფიკაციო პროცესი, რომელიც დაეხმარება თქვენს მარკეტინგისა და გაყიდვების გუნდებს გამოავლინონ შესაფერისი მიდგომა პროდუქტისა თუ მომსახურებისთვის.
მომდევნო ეტაპზე, თქვენი მონაცემები უნდა გამოიყენოთ პოტენიცური მომხმარებლებისთვის უკეთესი კონტენტის შესაქმნელად. თქვენი მომხმარებლის მოგზაურობის სათანადოდ გააზრება სამომავლო სტრატეგიის განსაზღვრაში დაგეხმარებათ. ამ ნაწილში მნიშვნელოვანია ოპტიმიზაცია, თქვენი კამპანიების პერფორმანსზე დაყრდნობით. ადამიანები რთულები ვართ. ზოგჯერ არც კი ვიცით, რატომ ვაკეთებთ იმას, რასაც ვაკეთებთ. ასე რომ, ქცევის პროგნოზირება და ანალიზი ფსიქოლოგიური ექსპერიმენტია.
წყარო: contently
