პიცა და თამაშები საუკეთესო კომბინაციად შეგვიძლია ჩავთვალოთ, თუმცა ხან ისე ჩაგვითრევს პროცესი, რომ გვავიწყდება… ცივი არც ისე გემრიელია, არადა სამზარეულოში გასვლა და გათბობაც გვეზარება. Play Station 5-ის მფლობელებს კი ახლა Pizza Hut იდეალურ გამოსავალს სთავაზობს — PIZZAWRMR შექმნეს, რომელსაც კონსოლზე მოათავსებთ და Play Station 5-ით შეუნარჩუნებთ სითბოს.
კარგად ვიცით, რომ მოწყობილობები, განსაკუთრებით კი სათამაშო კონსოლები, ხანგრძლივი, უწყვეტი სესიების დროს ძალიან ხურდება. Pizza Hut-მა აღმოაჩინა, რომ საკმარის ტემპერატურასაც გამოყოფს იმისათვის, რომ გეიმერებს სულ ცხელი პიცა ჰქონდეთ.
თუმცა არ გეგონოთ, რომ ჩვეულებრივ გამოვა და იყიდით. ლეპტოპის სტილის მოწყობილობა Pizza Hut Canada-ს ეკუთვნის, რომელიც გვეუბნება, რომ იგი 3D ბეჭდვის ტექნიკით შეგვიძლია, მივიღოთ. დიახ, ეს იმას ნიშნავს, რომ დასაბეჭდად Hut-ის ვებგვერდიდან 3D ფაილებს მიიღებთ და შემდგომ მის შექმნას თავად მოახერხებთ.
დაბოლოს, პლასტმასის მოხმარებასთან დაკავშირებული ჯანმრთელობის პრობლემები რომ აიცილოთ თავიდან, გირჩევენ საკვები პროდუქტებისთვის ვარგისი PLA გამოიყენოთ მის შესაქმნელად. თუმცა გახსოვდეთ, რომ PIZZAWRMR უფრო მეტად საინტერესო იდეაა, ვიდრე ოფიციალურად ლიცენზირებული პროდუქტი, ამიტომ მისი დაბეჭდვისა და გამოყენების დროს ფრთხილად უნდა იყოთ.
