Polaroid-მა გადაწყვიტა, მომხმარებელთა საუკეთესო მოგონებებს როკ-ენ-როლის განწყობა მიანიჭოს — ამისათვის დევიდ ბოუის ფირების კოლექცია გამოსცა. „ნამდვილი მეამბოხეებისთვის“ შექმნილი 10 უნიკალური კადრი როკ ლეგენდის ალბომების გარეკანებითაა შთაგონებული. გარდა საკულტო ელვის ნიშნისა, სერია ბოუის ფერად ტიპოგრაფიაზეცაა ფოკუსირებული.
ამასთან, თითოეული პაკეტი მხოლოდ 8 ცალ i-Type ფირს მოიცავს, რაც იმას ნიშნავს, რომ სრული 10 ნიმუშის მისაღებად, ერთზე მეტი შეფუთვის ყიდვა იქნება საჭირო. პოლაროიდის უახლესი i-Type ფირი თავსებადია Polaroid Now+, Polaroid Now და Polaroid Lab მოდელებთან.
„ჩვენ შთაგონებული ვიყავით ხელოვანის მიერ წარმოსახვის საზღვრების გალახვით. თანაც, ბოუი ფოტოგრაფი იყო და პოლაროიდსაც აქტიურად იყენებდა, მათ შორის 1979 წლის ალბომ Lodger-ის გარეკანის დიზაინისთვის“, — განმარტავენ კომპანიაში.
აქვე დასძენენ, რომ დევიდ ბოუისთან სინთეზი კიდევ უფრო აძლიერებს პოლაროიდის მუსიკალურ ინდუსტრიაში შესვლას.
