2023 წლის 25 მარტს Ralph Lauren-მა საქართველოში თავისი პირველი მაღაზია გახსნა, რომელიც სითი მოლი საბურთალოს სივრცეში მდებარეობს. Polo Ralph Lauren-ის მაღაზიაში მამაკაცის ხაზია წარმოდგენილი.
მაღაზიის დიზაინი აერთიანებს გარე აქტივობებისა და კოლეჯის სპორტის ელემენტებს. მუხის დაძველებული იატაკი და ხის პანელებით მოპირკეთებული კედელი ერწყმის როგორც ანტიკითა და ვინტაჟით შთაგონებულ ვიტრინებსა და მაგიდებს, ისე ხელოვნებისა და დეკორატიული ნივთების ეკლექტურ კომბინაციას. მაღაზიის ესთეტიკა Polo Ralph Lauren-ის ბრენდს ასახავს — ერთდროულად კლასიკურსა და არაფორმალურს, თანამედროვეობით, ენერგიული სულისკვეთებით გამსჭვალულს.
საქართველოში მაღაზიის გახსნა Ralph Lauren Corporation-ის (NYSE:RL) სტრატეგია „Next Great Chapter: Accelerate“-ს ეფუძნება, რომლის ნაწილიც ჩრდილოეთ ამერიკაში, ევროპასა და აზიაში მიზნობრივ გაფართოებაზე კონცენტრირებაა. კომპანიაში სჯერათ განვითარებული ეკოსისტემების შექმნის, რომლებიც მოიცავს როგორც ციფრულ პლატფორმებს, ისე ფიზიკურ მაღაზიებს და Ralph Lauren-ის სამყაროს მომხმარებლებისთვის მთელ მსოფლიოში ხელმისაწვდომს ხდის.
ადგილმდებარეობა:
სითი მოლი საბურთალო,
თბილისი, საქართველო
სამუშაო საათები:
10:00 a.m.- 10:00 p.m.
ტელეფონი:
+995551448810
მედია კონტაქტი
Nika Kvrivishvili- [email protected]
RALPH LAUREN CORPORATION-ის შესახებ
Ralph Lauren Corporation (NYSE:RL) გლობალური ლიდერია დიზაინში, მარკეტინგსა და მდიდრული ცხოვრების სტილის პროდუქტების დისტრიბუციაში ხუთი მიმართულებით: ტანსაცმელი, ფეხსაცმელი & აქსესუარები, სახლი, სუნამოები და „ჰოსფითალითი“. 50-ზე მეტი წელია, Ralph Lauren ავთენტური და მარადიული სტილის საშუალებით უკეთეს ცხოვრებაზე ოცნებას შთააგონებს. მისი რეპუტაცია და გამორჩეული იმიჯი პროდუქტების, ბრენდების, სადისტრიბუციო არხებისა და საერთაშორისო ბაზრების ფართო სპექტრში ვლინდება.
კომპანიის ბრენდების სახელები, რომელთა შორისაც სხვებთან ერთად არის: Ralph Lauren, Ralph Lauren Collection, Ralph Lauren Purple Label, Polo Ralph Lauren, Double RL, Lauren Ralph Lauren, Polo Ralph Lauren Children და Chaps — სამომხმარებლო ბრენდების მსოფლიოს ერთ-ერთ ყველაზე ფართოდ აღიარებულ ოჯახს წარმოადგენს.
დამატებითი ინფორმაციისთვის ეწვიეთ ვებგვერდს.
[R]
