მას შემდეგ, რაც სექტემბერში Apple-ს ორი ახალი სმარტფონის მოულოდნელი და მომხმარებლისთვის საკმაოდ სასიხარულო პრეზენტაცია შედგა, კომპანია ძირითადად სულ ისეთ სარეკლამო ვიდეორგოლებს უშვებდა, სადაც სმარტფონების ყველა დამატებული ფუნქცია ერთად იყო თავმოყრილი. თუმცა, რამდენიმე დღის წინ, ბრენდმა გაავრცელა ვიდეო, რომელიც უშუალოდ იმ ერთ-ერთ განსაკუთრებულ სიახლეს ეხება, რაც ფოტოების სხვადასხვა, სტუდიური ეფექტებით გადაღებას გულისხმობს. ახალ ვიდეორგოლში ჯგუფ The Shacks-ის წევრი მონაწილეობს. გოგონა საკუთარი სიმღერის ფონზე ყველა იმ ეფექტის დემონსტრირებას ახდენს, რასაც iPhone 8 Plus მომხმარებელს აძლევს. იმ პროგრამებისგან თუ სოციალური ქსელებისგან განსხვავებით, უშუალოდ სმარტფონის ფუნქციებიდან გამოყენებული ეს ეფექტი სურათს ხარისხს არ უფუჭებს.
https://www.youtube.com/watch?v=REZl-ANYKKY
