in , ,

მასშტაბური კამპანია მსოფლიო ჩემპიონატის დროს გაზრდილი ოჯახური ძალადობის წინააღმდეგ 

სანამ ფეხბურთის გულშემატკივრები მსოფლიო ჩემპიონატის ყურებით ტკბებიან და ფავორიტ ნაკრებებს ქომაგობენ, არსებობს ხალხი, ვინც აღფრთოვანებას საერთოდ ვერ განიცდის. მეტიც – ტურნირის პერიოდში მათზე კიდევ უფრო ხშირად ძალადობენ.

 

ინგლისი

სააგენტო J Walter Thompson (JWT)-ის ლონდონის ოფისმა და „ოჯახური ძალადობის ეროვნულმა ცენტრმა“ (ბრიტანული ორგანიზაცია) მასშტაბური კამპანია წამოიწყეს – შექმნეს სპეციალური პოსტერები, რომელსაც საფუძვლად რეალური სტატისტიკა უდევს – ოფიციალური მონაცემებით, როდესაც ინგლისის საფეხბურთო ნაკრები თამაშობს, ქვეყანაში ოჯახური ძალადობა 26%-ით იზრდება, თუ გუნდი აგებს – 38%-ით.

ამ რეალობის გასაპროტესტებლად შექმნილ პოსტერებზე სისხლიანი, დალურჯებული ადამიანების სახე და სხეულია გამოსახული, იარები კი სხვადასხვა ქვეყნის დროშებითაა გამოსახული.  კამპანიის შემქმნელებს სურდათ, ეჩვენებინათ ფეხბურთის ყურებისა და ქომაგობის, ერთი შეხედვით, უცნობი მხარე. პროექტი სახელწოდებით „არც ისე ლამაზი თამაში“ მიზნად ისახავს, მიმდინარე ჩემპიონატის დროს დაზარალებულებს, ოჯახური ძალადობის მსხვერპლ ადამიანებს დაეხმაროს. იდეის ავტორებმა, პრინტები, სხვადასხვა ნაკრების თამაშის დროს, დიდ ეკრანზეც აჩვენეს.

„ზუსტად იმავეს განიცდის ოჯახური ძალადობის მსხვერპლი, რა მღელვარებასაც ფეხბურთის გულშემატკივარი გრძნობს, როცა მისი ფავორიტი თამაშობს და მით უმეტს, აგებს“, -ამბობს JWT-ის კრეატიული დირექტორი ჯო უოლასი.

წყარო: www.designtaxi.com

80 წლიანი ისტორიის მქონე რესტორანს ახალი ვიზუალური იდენტობა აქვს

როგორ გავაქირავოთ ბინა ტურისტებზე? Wehost – Airbnb-ის მენეჯმენტ კომპანია საქართველოში