ყველას ცხოვრებაში დგება მომენტი, როცა ყველაფრისგან იღლება, დიდ სტრესს განიცდის და ვერც სამუშაოდ პოულობს ძალას. ამაში არაფერია უცხო ან განსაკუთრებული, უბრალოდ სათანადო ყურადღება სჭირდება — თუნდაც ერთი გამამხნევებელი სიტყვა. ეს ჩანს სადაზღვევო კომპანია Premera Blue Cross-ის 30-წამიან რეკლამაშიც, რომელშიც არა მისი სერვისი, არამედ უშუალოდ დამოკიდებულება და ნარატივია საინტერესო.
ვიდეოში ვხედავთ მამაკაცს, რომელიც თავის კაბინეტში ზის და ცდილობს, მძიმე ცხოვრებისეულ სირთულეს გაუმკლავდეს. ორი კოლეგა გამამხნევებელ წარწერებს დაუწერს — ასე ხვდება, რომ ხედავენ, ესმით და მის გვერდით არიან. თითქოს, არაფერი განსაკუთრებული, მაგრამ სწორედ ეს გვაძლევს მძიმე მომენტებში საჭირო ძალას.
