„სამყაროსთვის, რომელიც უპრეცედენტო გამოწვევების წინაშე დგას, დაწყებული სოციალური უთანასწორობით, დასრულებული გარემოს კრიზისებით, მნიშვნელოვანია ლინზა თავად კაცობრიობისკენ მივმართოთ“, — აცხადებს იზაბელ რიბენტროპი, Prix Pictet-ის ხელმძღვანელი.
ალბათ, უკვე თავადაც მიხვდით, რომ ამ წლის თემა ადამიანი იყო. როგორც ამბობენ, სცენა მთელი მსოფლიოს მასშტაბით არსებულ ინდივიდებისა და საზოგადოებების ამბებს, ბრძოლებსა თუ გამარჯვებებს ეთმობოდა. ამგვარად, 2023 წლის შორთლისტში 12 ხელოვანი მოხვდა, მათ შორისაა ჰოდა აფშარი, შიან დეივი და ვასანთა იოგანანანთანი, რომლებიც, თავის მხრივ, თავიანთი დოკუმენტური ფოტოებით ცნობილნი არიან.
რაც შეეხება გამარჯვებულს, ეს გაური გილია, რომელიც თავისი გრძელვადიანი პროექტის იდეას გაგვაცნობს — Notes from the Desert 1999 წლით თარიღდება. პროექტის მიზანი ინდოეთის სოფლის რაჯასტანის სკოლების დოკუმენტირება იყო ერთი თვის მანძილზე. იგი გამუდმებით ბრუნდებოდა აქ, რათა ენახა როგორ იცვლებოდა ადამიანების ცხოვრება ჯანმრთელობის კრიზისის, მწირი რესურსებისა თუ ექსტრემალური ამინდების ფონზე.
„რაჯასტანში მრავალჯერ სტუმრობის დროს კომპლექსურ რეალობას გადავწყდი, რომლის შესახებაც, როგორც ქალაქის მცხოვრებმა, არაფერი ვიცოდი. უდაბნოში ღარიბულად და მიწის გარეშე ცხოვრება ბუნებაზე სრულად მინდობას ნიშნავს. ამ საერთო გამოცდილების ფრაგმენტები ახლა დიდ ფოტოგრაფიულ არქივში შეინახება, რომელსაც Notes from the Desert ჰქვია, ასახავს სხვადასხვა ნარატივსა და ფოტოების შექმნის განსხვავებულ ფორმებს“, — განმარტავს გილი.
Prix Pictet 2023-ის გამარჯვებული ფოტოპროექტების სრულად სანახავად ესტუმრეთ ბმულს.
